مەكسيكالىق بوكسشى ساۋل «كانەلو» الۆارەس قاي جەكپە- جەكتى قالايتىنىن ايتتى، دەپ حابارلايدى قازاقپارات Sports.kz-كە سىلتەمە جاساپ.
ەكى سالماق دارەجەسىندەگى الەم چەمپيونى ESPN تەلەارناسىنداعى «You Have to Answer» باعدارلاماسىنا قاتىسىپ، وعان وسى ەكى نۇسقانىڭ بىرەۋىن تاڭداۋ ۇسىنىلدى. «كانەلو» كوپ ويلانباستان مەيۆەزەردى تاڭدادى. ەستەرىڭىزگە سالا كەتەيىك، س. الۆارەستىڭ كاسىبي مانسابىنداعى جالعىز جەڭىلىسى 2013 -جىلى فلويدپەن جەكپە- جەكتە بولعان ەدى. گولوۆكينگە كەلەتىن بولساق، الۆارەس قازاقستاندىق بوكسشىمەن رينگتە ەكى رەت كەزدەستى: 2017 -جىلى ولاردىڭ جەكپە- جەگى تەڭ اياقتالدى، ال ءبىر جىلدان كەيىن تورەشىلەر «كانەلونى» جەڭىمپاز دەپ تانىدى.