ۆەدومستۆونىڭ مالىمەتىنشە، 2020 -جىلعى جەلتوقساننىڭ 24ىندە سەلينوگراد اۋداندىق پوليتسيانىڭ كەزەكشى بولىمىنە قاراوتكەل اۋىلىنىڭ 22 جاستاعى تۇرعىنى حابارلاسىپ، 23-جەلتوقسان كۇنى تۇندە بەيتانىس ەكى ادام ونى توناپ، 80 مىڭ تەڭگە اقشاسىن تارتىپ العانىن ايتقان.
«وسى وقيعاعا بايلانىستى ق ر ق ك 191-بابى «توناۋ» بويىنشا قىلمىستىق ءىس قوزعالادى. الايدا، ءىستى مۇقيات تەكسەرۋ كەزىندە بويجەتكەندى ەشكىم توناماعانى انىقتالدى»، - دەيدى ۆەدومستۆودان.
كەيىن زارداپ شەكەن ازاماتتىڭ ءوزى مويىنداعانداي، ول بۇل اقشانى اناسىنا بەرۋى كەرەك ەدى. ول پايدا تاپپاقشى بولىپ، «كريپتو ۆاليۋتا» ساتىپ العان. كەيىن اقشانى قايتارا المايتىن بولعان سوڭ، پوليتسياعا جالعان حابار بەرگەن.
«جالعان ارىز نەگىزىندە باستالعان سوتقا دەيىنگى تەرگەۋ ءىسى توقتاتىلىپ، جالعان سويلەگەن قىزعا قاتىستى قىلمىستىق كودەكستىڭ 419-بابىنىڭ 2-بولىگى «كورىنەۋ جالعان ءسوز جەتكىزۋ» بويىنشا قىلمىستىق ءىس قوزعالدى»، - دەپ تولىقتىردى ۆەدومستۆودان.