«بيىلعى 25-جەلتوقسانداعى جاعدايى بويىنشا قالادا 17972(+60) COVID-19 جاعدايلارى تىركەلگەن، ونىڭ ىشىندە 16465 ناۋقاس (%92) ساۋىعىپ شىقتى. 1151 ى ستاتسيونارلىق جانە امبۋلاتوريالىق ەم- دوم الىپ جاتىر. 356 ءولىم جاعدايى (%1,9) تىركەلدى»، - دەدى جاننا پىراليەۆا.
ونىڭ ايتۋىنشا، قىركۇيەك پەن قازان ايىنىڭ العاشقى ون كۇنىندە قالاداعى ەپيدەميولوگيالىق احۋال تۇراقتى دەپ باعالاندى، ءبىراق قازان ايىنىڭ ەكىنشى جارتىسىنان باستاپ رەپرودۋكتيۆتى سان 1-دەن استى، سوندىقتان قالا «سارى ايماققا» ءوتتى.
«قالا 10-جەلتوقسانعا دەيىن «سارى ايماقتا» بولدى، ءارى قاراي «قىزىل ايماققا» اۋىسىپ ءبىر اپتا تۇردى. قالاداعى جۇرگىزىلىپ جاتقان شەكتەۋ جانە كارانتيندىك شارالار ناتيجەسىندە ىندەت جۇقتىرۋدىڭ تومەندەۋى بايقالدى. ناتيجەسىندە، قالا «جاسىل ايماققا» اۋىسىپ، ءارى قاراي 22 جەلتوقساننان «سارى ايماققا» كوشتى. قازىرگى كەزدە قالا «سارى ايماقتا» تۇر»، - دەدى باس سانيتارلىق دارىگەر.
ونىڭ سوزىنە قاراعاندا، جوعارىدا ايتىلعانداردى، سونداي-اق سوڭعى 2 اپتادا ينفەكسيالىق اۋرۋحانالاردىڭ جۇكتەمەسىن جانە تۇرعىنداردىڭ ىندەتكە قاتىستى مەديتسينالىق كومەككە جۇگىنۋى بويىنشا ءبىرشاما وڭ تەندەنسيانى ەسكەرە وتىرىپ، قالاداعى كەيبىر جەكەلەگەن قىزمەت تۇرلەرىنىڭ جۇمىس رەجيمدەرىن قايتا قاراۋ تۋرالى شەشىم قابىلداندى.
وسى ورايدا قوعامدىق كولىك جۇمىسىنا قاربالاس ساعاتتاردا اۆتوبۋستار سانىنىڭ ارتۋىمەن سوڭعى ايالدامادا دەزينفەكسيالىق قۇرالدارمەن سالوندا تازالىق جۇمىستارىن جۇرگىزۋ ەسكەرىلگەن. سونىمەن قاتار اۆتوبۋستىڭ بارلىق ەسىكتەرىن اشۋ، جولاۋشىلار ءۇشىن سانيتايزەر ورناتۋ، الەۋمەتتىك اراقاشىقتىقتى مىندەتتى تۇردە ساقتاۋ، ماسكا تاعۋ رەجيمىن ورىنداۋ تالاپتارى قويىلعان. جۇمىس، دەمالىس ءارى مەرەكە كۇندەرى ساعات 6:00-دان 23:00-گە دەيىن جۇمىس كەستەسى بەلگىلەندى.