ە ا ە و: بالالار تاعامى تاڭبالانۋعا جاتاتىن ونىمدەر تىزىمىنەن الىنىپ تاستالدى

بۇل تۋرالى بۇگىن بريفينگ بارىسىندا ە ە ك القاسى ءتوراعاسىنىڭ كومەكشىسى يا مالكينا ءمالىم ەتتى. بۇل تۋرالى قازاقپاراتتىڭ مەنشىكتى ءتىلشىسى حابارلايدى.

«ەە ك كەڭەسى سايكەستەندىرۋ قۇرالدارىمەن تاڭبالانۋعا جاتاتىن تاۋارلاردىڭ - ءسۇت ونىمدەرىنىڭ جەكەلەگەن تۇرلەرىنىڭ تىزبەسىن بەكىتتى. اتاپ ايتقاندا، وسى تىزبەدەگى تاڭبالانباعان تاۋارلاردى اينالىمعا جىبەرۋگە تىيىم سالۋدى ەنگىزۋ مەرزىمدەرى انىقتالدى»، - دەپ اتاپ ءوتتى ي. مالكينا.

قۇجاتتا وداقتىڭ بۇكىل اۋماعىندا تاۋارلاردى مىندەتتى تاڭبالاۋدى ەنگىزۋدىڭ ءۇش كەزەڭى ۇسىنىلعان:

1. 2021 -جىلعى 1-ماۋسىمعا دەيىن - ىرىمشىكتەر ءۇشىن، سونداي- اق بالمۇزداق جانە قۇرامىندا كاكاو بار نەمەسە جوق تاعامدىق مۇزدىڭ وزگە دە تۇرلەرى ءۇشىن.

2. 2021 -جىلعى 1-قىركۇيەككە دەيىن - ساقتاۋ مەرزىمى 40 تاۋلىكتەن اساتىن ءسۇت ونىمدەرى ءۇشىن (ءسۇت، كىلەگەي، يوگۋرت، ايران، سۇزبە، سارى ماي).

3. 2021 -جىلعى 1-جەلتوقسانعا دەيىن - ساقتاۋ مەرزىمى 40 تاۋلىككە دەيىن قوسا العاندا ءسۇت ونىمدەرى ءۇشىن. ە ە ك وكىلى اتاپ وتكەندەي، شەشىم قابىلدانىپ، تاڭبالاۋدى قاجەت ەتپەيتىن ءونىم انىقتالدى. بۇل، مىسالى، ءۇش جاسقا دەيىنگى بالالارعا ارنالعان تاعام. تاۋار قالدىقتارىن تاڭبالاۋ دا جۇزەگە اسىرىلمايدى. قابىلدانعان شەشىمگە سايكەس، تاڭبالاۋدى ەنگىزۋ كۇنىن ءار ەل دەربەس ايقىندايتىن بولادى.

«رەسەي فەدەراتسياسىندا تاڭبالانباعان ءونىم اينالىمىنا تىيىم سالۋدىڭ كورسەتىلگەن مەرزىمدەرى بار ءسۇت ونىمدەرىن تاڭبالاۋدى ەنگىزۋ تۋرالى شەشىمدەر قابىلدانىپ قويعانىن ەسكە سالامىن»، - دەپ حابارلادى ي. مالكينا.