«نۇر- سۇلتان قالاسىندا حالىق سانىمەن قاتار، تۇرعىن ۇيگە مۇقتاج جاندار دا ارتىپ كەلەدى. بۇگىنگى تاڭدا ەلوردادا 48113 ادام ءۇي كەزەگىندە تۇر. ولاردىڭ ىشىندە 2752 جەتىم بالا، 4825 كوپبالالى وتباسى، 18937 الەۋمەتتىك وسال توپقا كىرەتىن جان، 21505 مەملەكەتتىك قىزمەتكەر جانە بيۋدجەتتىك ۇيىم قىزمەتكەرلەرى بار. سونداي- اق، 93 اپاتتى جاعدايداعى تۇرعىن ءۇي يەلەرى»،- دەدى ا. ەڭسەبايەۆ قالالىق ءماسليحاتتىڭ جالپى وتىرىسىندا.
باسقارما باسشىسىنىڭ مالىمدەۋىنشە، بيىل تۇگەندەۋ جۇمىستارىنان كەيىن 4142 ەلوردالىق ءۇي كەزىگىندە تۇرعان تىزىمنەن شىعارىلدى. «قازىرگى تاڭدا ۇكىمەت 2020-2025 -جىلدارعا ارنالعان «نۇرلى جەر» تۇرعىن ءۇي - كوممۋنالدىق باعدارلاماسىن ازىرلەپ، بەكىتتى. ءبىرىڭعاي تۇرعىن ءۇي ساياساتىن جۇزەگە اسىرۋ ماقساتىندا باسپانامەن قامتۋدىڭ بىرنەشە باعىتى قاراستىرىلعان.
اتاپ ايتقاندا، ساتىپ الۋ قۇقىعىنسىز ءۇيدى جالعا بەرۋ، ءۇي كەزەگىندە تۇرعان از قامتىلعان وتباسىلارعا تۇرعىن ءۇي جيناق قۇرىلىس بانكى ارقىلى نەسيە بەرۋ جانە نەسيەلىك تۇرعىن ءۇي قۇرىلىسى قىزمەتىن ىلگەرىلەتۋ»،- دەيدى ول.