پوليتسيا دەپارتامەنتىنىڭ حابارلاۋىنشا، 22-جەلتوقساندا ساعات 23.30-دا «102» ارناسىنا بەتون زاۋىتىنىڭ اۋماعىندا توبەلەس بولىپ جاتقانى تۋرالى حابارلاما كەلىپ ءتۇستى. دەرەۋ وقيعا ورنىنا پوليتسيا قىزمەتكەرلەرى باردى.
«توبەلەس سالدارىنان اۋرۋحاناعا ەكى ەر ادام جەتكىزىلدى. بىرەۋىنە كەۋدە تۇسىنان وق تيگەن، ەكىنشى ادام قارىن تۇسىنان پىشاق سالىنعان. ەكەۋى دە قايتىس بولدى. پوليتسيا قىزمەتكەرلەرى قازا تاپقانداردىڭ جەكە باسىن انىقتادى. ولار قىزىلوردا وبلىسىندا تۋىپ- وسكەن 39 جانە 44 جاستاعى ەر ادامدار بولىپ شىقتى» دەلىنگەن حابارلامادا.
سونىمەن قاتار، اۋرۋحاناعا 24 جاستاعى جىگىت اتىس جاراقاتىمەن جەتكىزىلگەن. جانجال ارازداسۋشىلاردىڭ ءبىرى قارىزىن قايتارماۋى سالدارىنان تۋىنداعان. سوڭى توبەلەسكە ۇلاسىپ، پىشاق جانە اتىس قارۋلارى قولدانىلعان. وقيعاعا قاتىسقان 11 ادام انىقتالىپ، ۇستالدى. زاتتاي دالەلدەمەلەر تاركىلەندى. اتالعان فاكتى بويىنشا ق ر ق ك 99-بابى 2-بولىگى بويىنشا قىلمىستىق ءىس قوزعالدى. تەرگەۋ امالدارى جۇرگىزىلۋدە.