جەر بەتىنىڭ ءاربىر ءتورتىنشى تۇرعىنى كوروناۆيرۋس جۇقتىرعان

بۇل تۋرالى قازاقپارات تاسس اگەنتتىگىنە سىلتەمە جاساپ حابارلايدى.

وسىلايشا، اۋرۋ جۇقتىرعانداردىڭ ۇلەسى عالامشارداعى بارلىق تۇرعىنداردىڭ 1 پايىزدان استامىن قۇراپ وتىر.

ب ۇ ۇ- نىڭ حالىق ساناعىن جۇرگىزۋ قورىنىڭ ەسەپتەۋىنشە، جىل ورتاسىنداعى كورسەتكىش بويىنشا الەمدە 7,795 ميلليارد ادام ءومىر سۇرەدى. ىندەت جۇقتىرعانداردىڭ ەڭ كوپ ۇلەسى حالىق سانى از ەلدەردە تىركەلگەن. وسىلايشا، اندوررادا تۇرعىنداردىڭ 9,9 پايىزى (7633 ادام)، ليۋكسەمبۋرگتە - 7,3 پايىز (44809 ادام) ۆيرۋس جۇقتىرعان.

چەرنوگوريادا كوروناۆيرۋس تۇرعىنداردىڭ كەم دەگەندە 7,2 پايىزىنان (44542 ادام)، ال ا ق ش- تا - 5,6 پايىزىنان (18,2 ميلليوننان استام ادام) انىقتالدى.

رەسەيدە بۇل كورسەتكىش شامامەن 1,9 پايىزدى (2,9 ميلليون ادام) قۇراپ وتىر. الەمدە كوروناۆيرۋستىڭ تارالۋى باسەڭدەمەي تۇر.

الەمنىڭ كوپتەگەن ەلدەرىندە ينفەكتسيا تارالۋىنىڭ ەكىنشى تولقىنى باستالعان قىركۇيەك ايىندا الەمدە كۇن سايىن 300 مىڭعا دەيىن وقيعا تىركەلگەن. قازان ايىنا قاراي بۇل كورسەتكىش تاۋلىگىنە 600 مىڭ وقيعاعا دەيىن وسكەن.

دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىنشە، 20- جەلتوقسان كۇنى جاڭا رەكورد - ءبىر تاۋلىك ىشىندە اۋرۋ جۇقتىرۋدىڭ 800 مىڭ راستالعان وقيعاسى تىركەلگەن. سونىمەن بىرگە، اۋرۋ جۇقتىرعانداردىڭ جالپى سانىنان قايتىس بولعاندار ۇلەسى تومەندەدى.

«ءبىرىنشى تولقىن» كەزىندە بۇل كورسەتكىش 6-7 پايىزعا جەتكەن ەدى. وسىلايشا، الەمدە ۆيرۋس جۇقتىرۋدىڭ 4 ميلليون وقيعاسى تىركەلگەن 9- مامىر كۇنى اۋرۋعا شالدىققانداردىڭ 6,92 پايىزى (276,8 مىڭ ادام) قايتىس بولدى. كوروناۆيرۋستان قايتىس بولعانداردىڭ سانى 1,7 ميلليون ادامنان اسقان، بۇل اۋرۋ جۇقتىرعانداردىڭ جالپى سانىنىڭ 2,2 پايىزىن قۇراپ وتىر.