مۇنداي اپات وسىدان 20 جىل بۇرىن 2000-جىلى قىتايدا بولعان. سودان بەرى ۇشاقتىڭ قاڭقاسى تۇزەتۋدەن وتكىزىلىپ، نايزاعايدان ءتيىمدى قورعانۋدىڭ تاسىلدەرى قولدانىلدى.
كوبىنە نايزاعاي ۇشاققا بۇلت اراسىمەن - ەلەكتر توعىمەن زاريادتالىپ تۇرعان بۇلتقا جولىعىپ قالعاندا تۇسەدى. ۇشاق ەكى بۇلتتىڭ نەمەسە بۇلت پەن جەردىڭ اراسىنداعى ەلەكتردىڭ زاريادتالىپ وتۋىنە وتكەل بولادى. نايزاعاي الدىمەن ۇشاقتىڭ قاناتى نە تۇمسىعى سىندى ءسۇيىر بۇرىشىنا كەلىپ تۇسەدى دە، ۇشاق اپپاراتىنىڭ سىرتىمەن «سىرعىپ» باسقا ءسۇيىر جەرىنەن (ماسەلەن، قۇيرىعىنان) «شىعىپ» كەتەدى.
ۇشاقتىڭ نايزاعاي جاناسقان جەرى جارق ەتەدى: ويتكەنى اۋا مولەكۋلاسى يوندالىپ ۇشقىن شىعارادى.
ۇشاقتىڭ كورپۋسى اليۋمينيدەن جاسالادى. اليۋميني ەلەكتر توعىن جاقسى وتكىزەدى. ال ۇشاقتىڭ باسقا بولىكتەرى - فيۋزەلياجى اليۋمينيمەن ارالاستىرىلعان ەلەكتر زاريادىن وتكىزە الاتىن كومپوزيتتى مەتالدارمەن قورىتىلىپ قۇراستىرىلادى. كومپوزيتتى مەتالدار زاريادتالعان ەلەكتر بولشەكتەرىن ءمۇلت جىبەرمەي وڭاي وتكىزەدى.
ال نايزاعاي تۇسكەن ۇشاق بولىگىندە ازداعان قارا داق پەن ءىز، كۇيىك قالادى. ونداي داق پەن كۇيىك 1 ميلليمەتردەن اسپايدى.
ۇشاقتىڭ سىرتى قالىڭ مەتالمەن قاپتالادى. سوندىقتان نايزاعاي ۇشاقتىڭ جالپى كۇيىنە زيان كەلتىرمەيدى.
ونىڭ ۇستىنە ۇشاقتا الدى-ارتىنا نايزاعاي وتكىزگىش، جينالىپ قالعان ستاتيكالىق كۇشتى بوساتىپ جىبەرەتىن ارنايى بولشەكتەر بولادى. ولار دا نايزاعايدى ۇشاق بويىمەن وتكىزىپ جىبەرۋگە كومەكتەسەدى.
massaget.kz