«قازىر ءبىزدىڭ اسكەردە كەڭەس زامانىنداعىداي «دەدوۆشينا» جوق. 90-جىلداردىڭ باسىندا بولعان شىعار، ءبىراق قازىر جوق. ونىڭ باستى سەبەپتەرىنىڭ ءبىرى - قازىرگى مەرزىمدى اسكەري قىزمەت ءبىر جىلعا عانا سوزىلادى. ياعني بۇرىنعىداي ىسىلعان سارباز، جاس سارباز دەگەن تۇسىنىك جوق. بارلىعى ءبىر شاقىرىلىممەن كەلەدى نەمەسە اراداعى ايىرماشىلىق اسا كوپ بولمايدى»، - دەپ جاۋاپ بەردى ن. ەرمەكبايەۆ ءتىلشى سۇراعىنا.
سونىمەن بىرگە، ءمينيستردىڭ ايتۋىنشا، قازىر كومانديرلەرگە ۇجىمداعى احۋالدى قاداعالاپ، جارعىدان تىس قارىم- قاتىناسقا جول بەرمەۋ تاپسىرماسى مىندەتتەلگەن.
«ارينە، كەز كەلگەن ەرلەر ۇجىمىندا ەرەگىس پەن جانجالدار بولادى. ءبىراق ەرەسەكتەۋ ساربازداردىڭ وزىنەن كەيىنگىلەردى قورلاۋى، جارعىدان تىس ارەكەتتەرگە ماجبۇرلەۋى سەكىلدى جۇيەلى كورىنىس جوق»، - دەدى ن. ەرمەكبايەۆ.
اۆتور: ايجان سەرىكجان قىزى