ايماعامبەتوۆ قازاق مەكتەپتەرى ۇلگەرىمىنىڭ تومەندىگىنە قاتىستى تۇجىرىمعا پىكىر ءبىلدىردى

نۇر- سۇلتان. قازاقپارات - ءبىلىم جانە عىلىم ءمينيسترى اسحات ايماعامبەتوۆ قازاقستاندىق وقۋشىلاردىڭ ۇلگەرىم جاعىنان حالىقارالىق زەرتتەۋگە قاتىسۋ ناتيجەلەرى تۋرالى پىكىر ءبىلدىردى، دەپ حابارلايدى قازاقپارات ءتىلشىسى.

«جالپى تالداۋ ءار وبلىس بويىنشا جۇرگىزىلدى. ونىڭ قورىتىندىسىن وڭىرلەرگە جولداۋعا دايىنبىز. ارىپتەستەرمەن بۇل ماسەلەنى جۇمىس تارتىبىنەن بولەك تە تالقىلاعان ەدىك. جۇمىستى ارى قاراي جانداندىرۋ كەرەك. جالپى جامبىل وبلىسى وقۋشىلارىنىڭ PISA زەرتتەۋىنە قاراساق تا، TIMSS زەرتتەۋىنىڭ ناتيجەسىنە قاراساق تا، رەسپۋبليكالىق وليمپيادالاردىڭ قورىتىندىسى بويىنشا دا كورسەتكىشتەرى وتە جوعارى. بىزدە كەيبىر تەرەڭ ءۇڭىلىپ قارامايتىن بايقاۋشىلار بار: ولار وسى زەرتتەۋلەردىڭ قورىتىندىسىن قاراپ، قازاق تىلىندەگى مەكتەپتەردىڭ كورسەتكىشتەرى تومەنىرەك دەگەن تۇجىرىمداماعا كەلەدى. ءبىراق ول دۇرىس ەمەس ەكەنىن كورىپ وتىرمىز»، - دەدى اسحات ايماعامبەتوۆ ءبىلىم جانە عىلىم مينيسترلىگىنىڭ اپپارات وتىرىسىندا.

ءمينيستردىڭ ايتۋىنشا، مەكتەپتەردىڭ ۇلگەرىمى - تىلگە بايلانىستى ماسەلە ەمەس، جالپى ۇيىمداستىرۋعا، جۇمىستى دۇرىس تارتىپكە قويۋ ىسىنە تىكەلەي قاتىستى.

«مىسالى TIMSS زەرتتەۋى بويىنشا بۇگىنگى تاڭدا جامبىل وبلىسى كوش باستاپ تۇرسا، وندا نەگىزىنەن مەملەكەتتىك تىلدە وقيتىن بالالار وسى ناتيجەگە قول جەتكىزىپ وتىر. سوندىقتان ەڭ باستى ماسەلە تىلگە قاتىستى ەمەس. جامبىل وبلىسىنىڭ تاجىريبەسىن زەرتتەپ، باسقا دا وڭىرلەرگە تاراتۋىمىز كەرەك»، - دەدى اسحات ايماعامبەتوۆ.

اۆتور: ايان بەكەن ۇلى