قازاق قىزى كەنيادا جاتتىعۋدا

نۇر -سۇلتان. قازاقپارات - مارافونشىلار سايىسىندا سىنعا ءتۇسىپ جۇرگەن گۇلجانات جاناتبەك كەنيانىڭ يتەن قالاسىندا وقۋ- جاتتىعۋ جيىنىن وتكىزۋدە.

بۇل اقپاراتتى Altayproteam.kz سايتى تاراتىپ وتىر.

ءيا، قازاق قىزىنىڭ الىستاعى افريكا قۇرلىعىن تاڭداۋى بەكەر ەمەس. سەبەبى كەنيا مارافونشىلارىنىڭ داڭقى الىسقا جايىلعان. بۇل ەلدەن كوپتەگەن مىقتى جەلاياق شىقتى. وليمپيا ويىندارىندا ايتۋلى مەملەكەتتىڭ ورەندەرى ەكى رەت باس جۇلدەنى ولجالاسا، الەم چەمپيوناتتارىندا بەس مارتە توپ جاردى. ال جۇلدەگەر اتانعان ساڭلاقتاردى تىزبەكتەيتىن بولساق، ولاردىڭ سانى تىپتەن كوپ.

ماسەلەن، 2016 -جىلى ريو-دە-جانەيرودا الاۋى تۇتانعان وليمپيادادا ەرلەر اراسىندا ەليۋد كيپچوگە شاشاسىنا شاڭ جۇتىرماسا، ايەلدەر سايىسىندا دجەميما سۋمگونگ الدىنا جان سالمادى. ولاردىڭ ەكەۋى دە كەنيالىقتار جانە دە قازىرگى كەزدەگى الەمدىك رەكورد ءدال سول كيپچوگەگە تيەسىلى. 2018 -جىلدىڭ كۇزىندە وتكەن بەرلين مارافونىندا ول مارە سىزىعىن 2 ساعات 01 مينۋت 39 سەكۋندتا قيىپ وتكەن ەدى.

مىنە، سول سەبەپتى دە گ. جاناتبەكتىڭ تاڭداۋى كەنياعا ءتۇستى. ول توكيودا الاۋى تۇتاناتىن وليمپيا ويىندارىنىڭ ليتسەنزيالىق تۋرنيرىنە دايارلانۋدا.

egemen.kz