2020 -جىلدىڭ 20-جەلتوقسانىندا «قازاقستاننىڭ تۇرعىن ءۇي قۇرىلىس جيناق بانكى» اكسيونەرلىك قوعامىن ««وتباسى بانك» تۇرعىن ءۇي قۇرىلىس جيناق بانكى» اكسيونەرلىك قوعامىنا قايتا تىركەۋ جۇرگىزىلدى. بۇگىنگى كۇننەن باستاپ بانكتىڭ تولىق اتاۋى:
- مەملەكەتتىك تىلدە: «وتباسى بانك» تۇرعىن ءۇي قۇرىلىس جيناق بانكى» اكسيونەرلىك قوعامى؛
- ورىس تىلىندە: اكسيونەرنوە وبشەستۆو «جيليشنىي سترويتەلنىي سبەرەگاتەلنىي بانك «وتباسى بانك» « ؛
- اعىلشىن تىلىندە: joint stock company ««Otbasy bank» house construction savings bank» .
قىسقاشا اتاۋى:
- مەملەكەتتىك تىلدە: «وتباسى بانك» ا ق؛
- ورىس تىلىندە: او «وتباسى بانك» ؛
- اعىلشىن تىلىندە: JSC «Otbasy bank» .
بانكتىڭ جالعىز اكسيونەرى بولىپ - اكسيالاردىڭ مەملەكەتتىك پاكەتىن يەلەنۋگە جانە پايدالانۋعا 0 قۇقىعى بار «بايتەرەك» ۇلتتىق باسقارۋشى حولدينگى» ا ق قالا بەرمەك. بانكتىڭ زاڭدى تۇلعا رەتىندەگى رەسمي اتاۋى عانا وزگەرتىلەدى.
بۇگىننەن باستاپ «وتباسى بانك» دەپ اتالاتىن بۇرىنعى تۇرعىن ءۇي قۇرىلىس جيناق بانكى، تۇرعىن ءۇي قۇرىلىس جيناق جۇيەسىن جۇزەگە اسىراتىن بانك رەتىندە قالا بەرمەك. سونداي- اق قارجى قۇرىلىمى مەملەكەتتىك تۇرعىن ءۇي باعدارلامالارىنىڭ وپەراتورى مىندەتىندەگى قىزمەتىن دە وزگەرتپەيتىن بولادى. سونىمەن قاتار، 2021 -جىلى «وتباسى بانك» تۇرعىن ءۇيدى تىركەۋ، ەسەپكە الۋ، ۇلەستىرۋ جۇمىستارىن ءبىر ورتالىقتان جۇزەگە اسىراتىن تولىققاندى دامۋ جانە قولداۋ ينستيتۋتىنا اينالادى. ال بۇل مىندەتتەردى ىسكە اسىرۋ ءۇشىن كەزەككە قويۋ جۇيەسىن اكىمدىكتەردەن ««وتباسى بانك» تۇرعىن ءۇي قۇرىلىس جيناق بانكىنە» تاپسىرىپ، تۇرعىن ۇيگە مۇقتاج بارلىق ازاماتتار ءۇشىن ء«بىر تەرەزە» قاعيداتى بويىنشا جۇمىس ىستەيتىن «باسپانامەن قامتاماسىز ەتۋ ورتالىعىن» قۇرۋ جوسپارلانعان. بۇل جاعدايدا تۇرعىندارىمىزعا باسپاناعا مۇقتاج ەكەنىن راستاۋ ءۇشىن بىرنەشە مەكەمەگە جۇگىنىپ، كەزەكتە تۇرىپ، ىزىنشە نەسيە الۋ ءۇشىن بانككە كەلىپ اۋرە- سارساڭعا سالىنباي، ماسەلەسىن ءبىر ورتالىقتان شەشۋ مۇمكىندىگى تۋادى.
«بانكتىڭ دامىعان ينفراقۇرىلىمى، اقپاراتتىق جانە تەحنولوگيالىق قورى تۇرعىندارىمىزدى، اسىرەسە حالىقتىڭ الەۋمەتتىك وسال توپتارىنا جاتاتىن ازاماتتارىمىزدى باسپانامەن قامتاماسىز ەتۋ جۇمىستارىن جەدەلدەتەدى، ءۇي الۋعا كەزەك قۇرۋ جۇيەسىن باسقارۋ مۇمكىندىگىن كەڭەيتەدى، تۇرعىن ۇيگە مۇقتاج ازاماتتارعا باسپانا الۋ ءراسىمىن وڭتايلاندىرادى. سونىمەن قاتار بانك 1,7 ميلليوننان استام سالىمشى مەن 181 مىڭعا جۋىق زايم الۋشىلارعا قىزمەت كورسەتۋىن جالعاستىرا وتىرىپ، تۇرعىن ءۇي قۇرىلىس جيناق جۇيەسى شەڭبەرىندەگى ءوزىنىڭ نەگىزگى قىزمەتىن ۇزبەيدى» - دەپ، بانكتىڭ اتاۋى وزگەرۋىنە بايلانىستى «وتباسى بانك» باسقارما ءتوراعاسى لياززات يبراگيموۆا پىكىر ءبىلدىردى.
بۇگىنگى كۇنى بانكتىڭ دەپوزيتتىك پورتفەلى 976 ميلليمارد تەڭگەگە تەڭ. جىل سوڭىنا دەيىن بۇل كورسەتكىش 1 تريلليون تەڭگەگە دەيىن جەتەدى دەپ جوسپارلانۋدا. «وتباسى بانك» تۇرعىن ءۇي قۇرىلىس جيناق بانكى» ا ق — ەلىمىزدەگى تۇرعىن ءۇي قۇرىلىس جيناق جۇيەسىن جۇزەگە اسىراتىن بىردەن- ءبىر بانك. ۇيىم ەۋروپالىق قۇرىلىس جيناق كاسسالارى فەدەراتسياسىنا (ە ق ج كف) جانە حالىقارالىق تۇرعىن ءۇيدى قارجىلاندىرۋ وداعىنا كىرەدى. بانكىنىڭ جالعىز اكسيونەرى - «بايتەرەك» ۇلتتىق باسقارۋشى حولدينگى» ا ق.