بۇل جايىندا islam.kz پورتالى اراب اقپارات كوزدەرىنە سىلتەمە جاساي وتىرىپ ءمالىم ەتەدى. تاياۋ شىعىس ايماعىندا العاش رەت اشىلاتىن كلينيكادا قارتايۋ پروتسەسىن تەجەيتىن وسى زامانعى وزىق تەحنولوگيا قولدانىلادى.
Aviv Clinics مەديتسينالىق باعدارلاماسىن ازىرلەۋگە الەمگە ايگىلى دارىگەر ءارى پروفەسسور شاي ەفراتي مەن ونىڭ شامير مەديتسرنالىق ورتالىعىنا قاراستى نەيروبيولوگيا مەكتەبىندەگى ارىپتەستەرى اتسالىسقان بولاتىن. وسى تۇستا سايتىمىزدىڭ جاڭالىقتار تاسپاسىندا وسىدان ءبىر اي بۇرىن شاماسىندا جارىق كورگەن.
يزرايلدىك عالىمداردىڭ گيپەرباريلىك وتتەگى تەراپياسى تۋرالى جازعانبىز، مىنە، وسى ءتاسىل اتالعان كلينيكادا ناقتى ءىس جۇزىنە اسىرىلادى. وزدەرىڭىز بىلەتىندەي، بىرىككەن اراب امىرلىگى يزرايلمەن ديپلوماتيالىق، ساياسي، ەكونوميكالىق، تۋريستىك، دەنساۋلىق، ءبىلىم بەرۋ، ت. ب. سالالاردا جان-جاقتى، تولىققاندى قاتىناس ورناتتى. از ۋاقىتتىڭ ىشىندە ايماقتاعى ەكى ەل اراسىنداعى بارىس- كەلىس پەن الىس- بەرىس قارقىن الىپ كەلەدى. بىرىگىپ تەحنولوگيالىق جەتىستىكتەردى يگەرىپ، يگىلىككە جاراتۋ ماقساتىندا اشىلاتىن اتالعان كلينيكادا جاسى ۇلعايىپ، ەگدە تارتقان قارتتار ورگانيزمىندەگى تىندەردى وتتەگىمەن قانىقتىرۋ تەراپياسى جۇزەگە اسىرىلادى.