مۇنداي ۆيرۋستاردىڭ كوبى ادامنان ادامعا اۋا-تامشى جولىمەن تارالادى. بۇگىنگى كۇنى بۇل اۋرۋلاردىڭ الدىن الۋدىڭ ءتيىمدى جولدارى رەتىندە گيگيەنا مەن سالاۋاتتى ءومىر سالتىن ساقتاۋدى، دەنساۋلىقتى نىعايتىپ، دۇرىس ءارى تەڭگەرىمدى تاماقتانۋ جولىن جاتقىزۋعا بولادى.
وسى رەتتە مەديتسينا عىلىمدارىنىڭ دوكتورى، پروفەسسور، ءدارى-دارمەكتەردى ساراپتاۋ ۇلتتىق ورتالىعىنىڭ ساراپشىسى جانات ساتىبالديەۆا قازاقپارات تىلشىسىنە تۇماۋ مەن ج ر ۆ ي- ءدى جۇقتىرىپ الماۋدىڭ جولدارىن ايتىپ بەردى.
ماماننىڭ ايتۋىنشا بولمەنى جەلدەتۋ - اۋرۋدىڭ الدىن-الۋدىڭ ماڭىزدى جانە ءتيىمدى ەرەجەلەرىنىڭ ءبىرى. بولمەنى ءجيى جانە قارقىندى تۇردە جەلدەتىپ، اۋانى ىلعالداندىرۋ قاجەت. ودان بولەك دارىگەرلەر وزىڭىزبەن بىرگە دەزينفەكتسيالىق مايلىق پەن سپرەيلەردى الىپ جۇرۋگە كەڭەس بەرەدى.
«مۇرىننىڭ شىرىشتى قابىعىن باقىلاڭىز، ونى ءالسىز تۇزدى ەرىتىندىمەن سۋلاپ، تۇزدى ەرىتىندىمەن اۋزىڭىزدى، تاماعىڭىزدى شايىڭىز. سۋ، شىرىن تۇرلەرىن، شايدى كوپ ءىشىڭىز. ءبىز ۇنەمى ايتىپ جۇرگەن كوروناۆيرۋس ينفەكتسياسىنىڭ الدىن-الۋ جونىندەگى بارلىق شارالار - ج ر ۆ ي مەن ماۋسىمدىق تۇماۋعا دا قاتىستى. ول اۋرۋلارعا قارسى جىل سايىن ەكپە جاسالادى»، - دەپ ەسكە سالادى جانات ساتىبالديەۆا.
سونىمەن قاتار، دارىگەردىڭ پىكىرىنشە، اتا-انالار مەكتەپ وقۋشىسىنىڭ ۇيقى رەجيمى مەن تاماقتانۋىنا باسا نازار اۋدارۋى كەرەك. تازا اۋادا سەرۋەندەتۋدى دە ۇمىتپاۋى ءتيىس. بالا كۇنىنە كەم دەگەندە سەگىز ساعات ۇيىقتاۋى قاجەت. ويتكەنى ونىڭ ۇيقىسى قانباي قالسا يممۋنيتەتى مەن وقۋ قابىلەتى ناشارلاۋى مۇمكىن.
«بالالار تاماقتانا وتىرىپ، ءوز يممۋنيتەتىن قالىپتاستىرادى. تاماق تەڭگەرىمدى ءارى ءنارلى بولۋى كەرەك. زياندى ونىمدەردىڭ مولشەرىن بارىنشا ازايتا بىلگەن ابزال. جاڭا پىسكەن كوكونىستەر مەن جەمىستەردى كوبىرەك تۇتىنعان ءجون، ەت ونىمدەرىن قۋىرماي، قايناتىپ، سورپا-سۋ ەتكەن ءجون. ۆيتاميندىك كەشەندەردى دە ۇمىتپاي، بالالارعا پسيحيكالىق قىسىم جاساماۋ كەرەك»، - دەيدى دارىگەر.
تۇماۋدان قورعاۋدىڭ سەنىمدى ءادىسى - ۆاكتسيناتسيا. ول تۇماۋ ۆيرۋستارىنا قارسى تۇرۋ جولىندا يممۋندىق جۇيەنى ەداۋىر ىنتالاندىرادى. ۆاكتسينا ەگىلگەن كەزدە دەنەدە قورعانىس انتيدەنەلەرى پايدا بولادى، ولار ناقتى ۆيرۋسپەن كەزدەسكەندە كۇشەيىپ، ونى تەز ەڭسەرەدى.
«ەگەر، مىسالى، ادام بىرنەشە جىل بويى جىل سايىن ۆاكتسيناتسيا السا، وندا ونىڭ يممۋنيتەتى ۇنەمى سەرگەك بولادى. تۇماۋعا قارسى ماۋسىمدىق ۆاكتسينالار وندىرۋشىلەر جىل سايىن د د س ۇ ۇسىنىسى بويىنشا شتامم قۇرامىن وزگەرتەدى، ويتكەنى ەپيدەميالىق ماۋسىمدا تۇماۋ ۆيرۋسىنىڭ ءارتۇرلى شتامدارى اينالادى. اۋىرعان ۆاكتسيناتسيالانعان ادامدار تۇماۋدى جەڭىل وتكەرەدى»، - دەپ اتاپ ءوتتى جانات ساتىبالديەۆا.