الەمدىك بوكس تاريحى جىلناماسىنىڭ جاڭا پاراعىن اشتىڭ - ەلباسى گولوۆكيندى قۇتتىقتادى
بۇل تۋرالى قازاقپارات elbasy.kz سايتىنا سىلتەمە جاساپ حابارلايدى.
ەلباسى گەننادي گولوۆكيندى كاميل شەرەمەتامەن جەكپە-جەكتە ايقىن جەڭىسكە جەتۋىمەن قۇتتىقتادى.
«وسى جەڭىس ارقىلى سەن ءوز ديۆيزيونىڭدا 21- رەت الەم چەمپيونى اتانىپ، قازاقستاندىق جانە الەمدىك بوكس تاريحى جىلناماسىنىڭ جاڭا پاراعىن اشتىڭ. بۇل بارشا قازاقستاندىقتار ءۇشىن تاۋەلسىزدىك كۇنىنە وراي تاماشا سىي بولدى دەپ ويلايمىن. ءبىز سەنىڭ سپورتتاعى جارقىن جەتىستىكتەرىڭدى، مىقتى رۋحىڭدى جانە جەڭىسكە دەگەن جىگەرىڭدى ماقتان ەتەمىز. سەنىڭ جەڭىمپاز رەتىندە ءوز جولىڭدى جالعاستىراتىنىڭا سەنىمدىمىن جانە سەنىڭ جەتىستىكتەرىڭە ءالى تالاي سۇيسىنەتىن بولامىز»، - دەلىنگەن جەدەلحاتتا.
ايتا كەتسەك، بۇگىن IBF/IBO نۇسقاسى بويىنشا ورتا سالماقتاعى الەم چەمپيونى گەننادي گولوۆكين (40-1-1، 35 ك و) قارسىلاسى كاميل شەرەمەتانى (21-0، 5 ك و) تەحنيكالىق نوكاۋتپەن جەڭدى.
سونداي-اق، ق ر پرەزيدەنتى قاسىم-جومارت توقايەۆ گەننادي گولوۆكيندى جەڭىسىمەن قۇتتىقتادى.