كاسىپقوي بوكسشى ماديار اشكەيەۆ العاش رەت جەڭىلىس تاپتى

نۇر-سۇلتان. قازاقپارات - قازاقستاندىق كاسىپقوي بوكسشى ماديار اشكەيەۆ امەريكالىق چارلز كونۋەللدەن جەڭىلىپ، تيتۋلىنان ايىرىلدى، - دەپ حابارلايدى Tengrinews.kz ءتىلشىسى.

ون راۋندقا جوسپارلانعان كەزدەسۋ توعىزىنشى راۋندتتان سوڭ توقتاتىلدى.

بوكس كەشى لوس-اندجەلەس قالاسىنداعى Wild Card Boxing ارەناسىندا ءوتتى. اشكەيەۆ پەن كونۋەلل اراسىنداعى كەزدەسۋ كەشتىڭ باستى ايقاسى بولدى. وندا ءبىرىنشى ورتا سالماقتاعى USNBC جانە USBA تيتۋلدارى ساراپقا سالىندى. ءبىرىنشىسى - قازاقستاندىقتىكى بولعان، ەكىنشىسى - ونىڭ قارسىلاسىنا تيەسىلى.

32 جاستاعى اشكەيەۆ كاسىپقوي بوكستاعى 15-كەزدەسۋىندە العاش رەت جەڭىلىس تاپتى. ول قالعان 14 جەكپە-جەگىنىڭ بارلىعىندا جەڭىسكە جەتكەن ەدى. 7 كەزدەسۋدە قارسىلاستارىن نوكاۋتقا تۇسىرگەن. ال جەڭىلىپ كورمەگەن 23 جاستاعى كونۋەلل بۇگىن 14-كەزدەسۋىن وتكىزدى. ول ون جەكپە-جەگىن نوكاۋتپەن اياقتاعان.

ەسكە سالايىق، بۇعان دەيىن سالماق ولشەۋ ءراسىمى وتكەن ەدى. ەكى بوكسشىنىڭ دا سالماعى 69,9 بولدى.