قاراپايىم زاتتار ەكونوميكاسى: قازاقستاندا وڭدەلگەن ءونىمنىڭ ءوندىرىسى ارتتى

«سوڭعى ءۇش جىلدا دايىن، وڭدەلگەن ءونىم ءوندىرىسىنىڭ ەداۋىر وسكەنى بايقالادى. اتاپ ايتقاندا، «قاراپايىم زاتتار ەكونوميكاسى» سالالارىندا ءونىم شىعارۋ كولەمى 2018 -جىلعى 8,9 تريلليون تەڭگەدەن 2019 -جىلى 10,1 تريلليون تەڭگەگە دەيىن ءوستى. بيىل ءوسىم جالعاستى. 10 ايدا ناقتى كولەم يندەكسى 104 پايىزدى قۇرادى. دايىن، وڭدەلگەن ءونىمدى شىعارۋ وزىق ءوسىمدى كورسەتىپ وتىر»، - دەدى مينيستر.

ونىڭ ايتۋىنشا، دايىن، وڭدەلگەن تاۋارلار شىعارىلىمىنىڭ وسۋىنە بايلانىستى يمپورت ۇلەسى تومەندەگەن. تۇتىنۋداعى قازاقستاندىق تاۋارلار ءوندىرىسىنىڭ ۇلەسى ءوسىپ جاتىر.

«وسىلايشا 2020 -جىلى وتاندىق ءونىم ءوندىرىسىنىڭ ۇلەسى 2,5 پايىزدىق تارماققا ءوستى. ازىق- تۇلىك، قۇرىلىس ماتەريالدارى، جەڭىل ونەركاسىپ ونىمدەرى، جيھاز، ماشينا مەن جابدىقتار ءوندىرىسى ارتتى. سوڭعى 2 جىلدا ءونىمنىڭ ءبىرقاتار تۇرلەرى بويىنشا ءوسىم ەكى ءماندى كورسەتكىشتەرگە، ال جەكەلەگەن تۇرلەرى بويىنشا 1,5-2 ەسەگە جەتتى. وسى جىلى ءوندىرىستىڭ ءوسۋ قارقىنى جالعاستى. «قاراپايىم زاتتار ەكونوميكاسى» باعدارلاماسىن ىسكە اسىرۋ دايىن، وڭدەلگەن ءونىمنىڭ وسۋىنە ىقپال ەتەدى»، - دەيدى رۋسلان دالەنوۆ.