«COVID-19 - SARS- CoV-2 دەپ اتالاتىن جاڭا كوروناۆيرۋس تۋدىراتىن اۋرۋ. ۆيرۋستار سىرتقى ورتادا تۇراقسىز كەلەدى. ولار 56 گرادۋستان جوعارى تەمپەراتۋرادا جانە حلوروفورم، فورمالين، ەتيل ءسپيرتى نەمەسە ەفيردىڭ اسەرىنەن بىردەن جويىلادى. كوروناۆيرۋس مۇزداتۋعا دا ءتوزىمدى. قۇرامىندا ر ن ق بار SARS- CoV-2 - وتە ەرەكشە ۆيرۋس. ول ءتۇرلى كلينيكالىق بەلگىلەردى تۋدىرادى. بۇل تۇماۋ ۆيرۋسىنا قاراعاندا اناعۇرلىم جۇقپالى. COVID-19 ناۋقاستارىنىڭ كوپشىلىگىندە جەڭىل نەمەسە ورتاشا بەلگىلەر بايقالادى، ولار ارنايى ەم- دومسىز جازىلادى. 65 جاستان اسقان ادامداردا اۋرۋ كۇردەلىرەك وتەدى، كوبىنەسە پنيەۆمونياعا ۇلاسادى. تۇماۋ ۆيرۋسى دا پنيەۆمونيا تۋدىرۋى مۇمكىن. ءبىراق تۇماۋ ۆيرۋسى وكپە ءتىنىنىڭ قابىنۋىنا اسەر ەتەدى، ال كوروناۆيرۋس - قان تامىرلارى دەڭگەيىندە ارەكەت ەتەدى، قاننىڭ ۇيىعىشتىعىن بۇزادى. تۇماۋ ۆيرۋسىمەن سالىستىرعاندا كوروناۆيرۋس بالالار مەن جاستاردا سيرەك، ال ەگدە جاستاعىلاردا ءجيى كەزدەسەدى»، - دەيدى ۆياچەسلاۆ لوكشين.
دارىگەر كوروناۆيرۋس ينفەكتسياسى راستالعان جاعدايدا ۇرەيلەنبەۋ كەرەكتىگىن اتاپ ءوتتى. دۇربەلەڭنەن يممۋنيتەت السىرەيدى. ونىڭ پىكىرىنشە، قازىر كوروناۆيرۋس تۋرالى اقپارات كوبەيدى. دارىلىك ەم- دوم باستاپقى پاندەمياعا قاراعاندا جەڭىلىرەك وتۋدە. ۆيرۋستىق ينفەكتسيا جۇقتىرعاندا پاراتسەتامول، اسپيرين سياقتى قابىنۋعا قارسى پرەپاراتتاردان باسقا ءدارى- دارمەك قابىلداۋدىڭ قاجەتى جوق. ونىڭ ايتۋىنشا، تۇماۋ ۆيرۋسى مەن كوروناۆيرۋسقا اسەر ەتەتىن ناقتى پرەپارات جوق. قولدانىستاعى پرەپاراتتاردىڭ تيىمدىلىگى دالەلدەنگەن جوق.
«ەڭ باستىسى - ىستىق سۋسىندار مەن قىزۋدى باسۋعا ارنالعان پاراتسەتامول ءىشۋ قاجەت، توسەك رەجيمى، اۋانى جەلدەتۋ، د دارۋمەنى، مىرىش جانە مۋلتيۆيتاميندەر كەشەنىن قابىلداۋ كەرەك. وكپە قابىنىپ، اسقىنۋ بايقالسا باكتەرياعا قارسى پرەپارات تاعايىنداۋ قاجەت بولۋى مۇمكىن. الايدا مۇنداي ءدارى- دارمەكتى تەك دارىگەر بەلگىلەيدى»، - دەدى ول.
سۇحبات بارىسىندا ۆياچەسلاۆ لوكشين اۋرۋ مەڭدەگەن جاعدايدا قاننىڭ ۇيۋ جۇيەسى مەن باۋىر قىزمەتىن تەكسەرۋ كەرەكتىگىن ءتۇسىندىردى. قانت ديابەتىمەن اۋىراتىن ناۋقاستار دا اۋرۋدىڭ قالاي ءوربيتىنىن باقىلاۋى كەرەك.
«ۆيرۋس قان تامىرلارىنا جانە قاننىڭ ۇيۋىنا اسەر ەتەدى، سوندىقتان ميكروترومبوز پروتسەسى جۇرەتىنى جانە ورگانداردىڭ، باۋىردىڭ، وكپەنىڭ، بۇيرەكتىڭ جانە ءتىپتى ميدىڭ قىزمەتى بۇزىلاتىنى دالەلدەندى. سوندىقتان تەراپياعا قان ۇيۋعا قارسى انتيكواگۋليانتتار قوسىلادى»، - دەپ قورىتىندىلادى دوكتور.
سونىمەن بىرگە دارىگەر تۇرعىندارعا تۇماۋعا قارسى ەكپە جاساۋعا كەڭەس بەرەدى. 65 جاستان اسقان ادامدارعا پنيەۆموكوكك ۆاكسيناسىن جاساۋ ۇسىنىلادى.
«كارانتين ءالى اياقتالعان جوق. سوندىقتان، قوعامدىق ورىنداردا ماسكا تاعۋ، قاشىقتىقتى ساقتاۋ، قول مەن بەتتىڭ گيگيەناسىن ەستە ساقتاۋ قاجەت»، - دەيدى ۆياچەسلاۆ لوكشين.