«كوروناۆيرۋس ينفەكسياسى - ادامنان ادامعا وڭاي بەرىلەتىن وتە جۇقپالى اۋرۋ. ونىڭ نەگىزگى الدىن الۋ ادىستەرى - گيگيەنا، الەۋمەتتىك قاشىقتىق جانە ماسكا تاعۋ جانە حالىق كوپ جينالاتىن ورىندارعا بارماۋ كەرەك. وسىلاي عانا قورعانۋعا بولادى.
«بۇكىل ادامزات ماسكا تاقسا، ەپيدەميا بىتەر ەدى»، دەگەن ەپيدەميولوگتاردىڭ ءسوزى بار. ۆيرۋسپەن كۇرەستىڭ نەگىزگى ءادىسى - كارانتين شارالارىن ساقتاۋ. قازىر ۆاكسينالار جاسالىپ جاتىر. مەنىڭ ويىمشا، كوروناۆيرۋس پاندەمياسى كەلەسى جىلدىڭ جازىنا قاراي بىرتىندەپ اياقتالادى»، - دەيدى ۆ. لوكشين قازاقپارات تىلشىسىنە بەرگەن سۇحباتىندا.
سونىمەن بىرگە، دارىگەر تۇماۋعا قارسى ۆاكسيناتسيانىڭ نە ءۇشىن قاجەت ەكەنىن، ءورشىپ جاتقان ج ر ۆ ي مەن تۇماۋ كەزىندە يممۋنيتەتتى قورعاۋ جولدارىن ءتۇسىندىردى.
«تۇماۋعا قاتىستى ۆاكسينا بار. جىل سايىن شتامپتار وزگەرەدى جانە ۆاكسينا ۆيرۋستىڭ بولجانعان تۇرىنە سايكەس شىعارىلادى. جىل سايىن الەمدەگى كوپتەگەن ادامدار وسىنداي ۆاكسينانى سالدىرادى. اسىرەسە قارتتار مەن جۇكتى ايەلدەرگە، دارىگەرلەرگە جانە باسقا دا ساناتتاعى ادامدارعا ۆاكسينا سالدىرۋ دۇرىس بولار ەدى. ەگەر ءدارى- دارمەك ءوندىرۋشىسى دۇرىس شتامپتى تاڭداسا، ادامداردىڭ ۆيرۋستى جۇقتىرماۋ نەمەسە اۋرۋدى جەڭىل فورمادا وتكىزۋ مۇمكىندىگى جوعارى بولادى. بۇل اسىرەسە كوروناۆيرۋس پاندەمياسى كەزىندە وتە ماڭىزدى. ەگەر تۇماۋعا كوروناۆيرۋس ينفەكسياسى قوسىلسا، ونى ەمدەۋ الدەقايدا اۋىر وتەدى. سوندىقتان ۆاكسيناتسيا وتە قاجەت. تۇرعىنداردىڭ قىركۇيەك- قازان ايلارىندا ەكپە ەگۋى دە دۇرىس قادام بولدى»، - دەيدى پروفەسسور.
دارىگەر يممۋنيتەتتى ساقتاۋعا كومەكتەسەتىن شارالار تۋرالى ايتىپ بەردى.
«يممۋنيتەتتى قورعاۋ ماسەلەسى دە وتە ماڭىزدى. ول ءۇشىن سالاۋاتتى ءومىر سالتىن ۇستانىپ، تازا اۋادا سەرۋەندەپ، د ۆيتامينىنىڭ قالىپتى مولشەرىن قابىلداۋ كەرەك. د ۆيتامينىنىڭ از بولۋى دا يممۋنيتەتتىڭ تومەندەيتىنى دالەلدەندى. اسكوربين قىشقىلى مەن مىرىشتى دا قابىلداۋ كەرەك. ياعني، دۇرىس تاماقتانۋ مەن قاجەتتى دارۋمەندەر يممۋنيتەتتى ساقتاۋعا كومەكتەسەدى»، - دەيدى ۆياچەسلاۆ لوكشين.
اۆتور: ايجان سەرىكجان قىزى