بۇل تۋرالى نۇر-سۇلتان قالاسىنىڭ باس سانيتار دارىگەرى جاننا پىراليەۆا ايتتى.
«بۇل ماسەلەنى قاراستىرىپ جاتىرمىز. ءبىراق ءبىز بالالارعا توقسان سوڭىنا دەيىن وقۋعا مۇمكىندىك بەرەتىن شىعارمىز. قازىر توقساننىڭ ورتاسى. مەرەكەلەردى ەسكەرسەك، ولار ۇيدە دەمالادى. سوندىقتان وقۋشىلارعا جىل سوڭىنا دەيىن وقۋعا مۇمكىندىك بەرەمىز»، - دەيدى ول.
وسىعان دەيىن ەلورداداعى مەكتەپتەر مەنشىك نىسانىنا قاراماستان قاشىقتان وقۋعا كوشۋى مۇمكىن ەكەنى حابارلانعان ەدى.
10-جەلتوقسانداعى جاعدايعا سايكەس اۋداندارداعى باس سانيتار دارىگەردىڭ قاۋلىسىمەن 20 مەكتەپتە ءبىلىم بەرۋ پروتسەسى توقتاتىلدى. ءبىلىم بەرۋ وشاقتارى 14 كۇنگە ونلاين وقىتۋعا كوشىرىلدى.
وقۋ جىلىنىڭ باسىنان بەرى بارلىعى 224 وقۋشى اۋىردى، ونىڭ 179 ى قاشىقتان وقىعان.