بۇل تۋرالى Polisia.kz حابارلادى.
ورداباسى ا پ ب- عا جەرگىلىكتى تۇرعىن ارىزداندى. جابىرلەنۋشى ايەلدىڭ ايتۋىنشا، اۋىل سىرتىندا مال باعاتىن مالشىعا توعىز ءىرى قارا مالىن سەنىپ تاپسىرعان. ءبىراق مالىن قايتارىپ الا الماعان.
پوليتسەيلەر اتالعان جايتتى ق ر ق ك-نىڭ 189-بابى (سەنىپ تاپسىرىلعان بوتەن مۇلىكتى يەمدەنىپ الۋ نەمەسە تالان-تاراجعا سالۋ) بويىنشا س د ت ب ت- عا تىركەدى. وقيعانىڭ جاي- جاپسارىن ءتارتىپ ساقشىلارى تەكسەردى.
كۇدىكتى ازاماتتى پ ب- نە جەتكىزىپ، ودان جاۋاپ الدى.
تەرگەۋ بارىسىندا انىقتالعانداي، جابىرلەنۋشى ايەل التى باس جىلقىسىن جانە ءۇش باس سيىرىن مالشىعا سەنىپ تاپسىرعان.
الايدا كۇدىكتى ءۇش سيىردى 400 مىڭ تەڭگەگە ساتقان. اقشاسىن ءوز پايداسىنا جاراتقان. جىلقىلاردى قاراۋسىز دالاعا ايداپ جىبەرگەن.
جالپى، شىعىن كولەمى - 3,5 ميلليون تەڭگەگە جۋىق.