جابىق كەشەندەگى الەم بىرىنشىلىگى ەكىنشى رەت كەيىنگە شەگەرىلدى

نۇر-سۇلتان. قازاقپارات - جەڭىل اتلەتيكادان جابىق كەشەندەگى الەم بىرىنشىلىگى 2023-جىلعا شەگەرىلدى، دەپ حابارلايدى Olympic.kz.

بۇكىل الەمدىك جەڭىل اتلەتيكا قاۋىمداستىعىنىڭ حابارلاۋىنشا، الەم چەمپيوناتى كوروناۆيرۋس پاندەمياسىنا بايلانىستى كەيىنگە قالدىرىلعان.

جابىق كەشەندەگى الەم چەمپيوناتى 2021-جىلدىڭ 19-21- ناۋرىز كۇندەرىندە ءوتۋى ءتيىس ەدى.

الايدا، كوروناۆيرۋس پاندەمياسىنا بايلانىستى جارىس 2023-جىلعا اۋىستىرىلدى. نانكيندەگى دۇنيەجۇزىلىك دودا وسىمەن ەكىنشى رەت شەگەرىلىپ وتىر.

اتالعان دودا باستاپقىدا 2020-جىلدىڭ 13-15- ناۋرىز كۇندەرى ءوتۋى ءتيىس بولاتىن.