ۇكىمەت وتستاۆكاعا كەتتى

بۇل تۋرالى تاسس اگەنتتىگىنە ەل ۇكىمەتىنىڭ باسپا ءسوز قىزمەتىنەن ءمالىم ەتكەن، دەپ حابارلايدى قازاقپارات.

«ۇكىمەت ءوز وكىلەتتىگىن توقتاتتى. بۇدان بىلاي پرەمەر جانە ونىڭ بارلىق كابينەتى ءوز مىندەتىن ۋاقىتشا اتقارۋشى بولىپ تابىلادى»، - دەدى باسپا ءسوز قىزمەتىنىڭ وكىلى.

كونستيتۋتسياعا سايكەس، گرۋزيا پارلامەنتىندە جاڭا ۇكىمەتتى جاساقتاۋعا ەكى اپتا ۋاقىت بار. ەگەر بۇل جاسالماسا، ەل پرەزيدەنتى زاڭ شىعارۋشى ورگاندى تارقاتىپ، مەرزىمىنەن بۇرىن پارلامەنت سايلاۋىن بەلگىلەيدى. الدىن الا مالىمەت بويىنشا، بيلىك باسىنداعى «گرۋزيا ارمانى - دەموكراتيالىق گرۋزيا» پارتياسى مينيسترلەر كابينەتىن 2019 -جىلدىڭ قىركۇيەگىنەن بەرى باسقارىپ كەلگەن گەورگيي گاحاريانى پرەمەر- مينيستر لاۋازىمىنا قايتا ۇسىنباق.

ەسكە سالايىق، گرۋزيادا پارلامەنت سايلاۋى ەكى كەزەڭمەن ءوتتى - 31-قازاندا جانە 21-قاراشادا. 3-جەلتوقساندا ورتالىق سايلاۋ كوميسسياسى سايلاۋ قورىتىندىسىن جاريالاپ، وعان سايكەس، بيلىك باسىنداعى «گرۋزيا ارمانى - دەموكراتيالىق گرۋزيا» پارتياسى 48,22 داۋىسپەن جەڭىسكە جەتتى. سولايشا، 150 مانداتتىڭ 90-ىنا يە بولدى.

«گرۋزين ارمانىنان» بولەك، پارلامەنتكە سونداي-اق گرۋزيانىڭ بۇرىنعى ەكس-پرەزيدەنتى ميحايل سااكاشۆيلي نەگىزىن قالاعان «ءبىرتۇتاس ۇلتتىق قوزعالىس» پارتياسى ءوتتى (27,18 پايىز داۋىس). سونىمەن قاتار جوعارى زاڭ شىعارۋ ورگانىندا كەلەسى پارتيالار بولادى:

«ەۋروپالىق گرۋزيا - ەركىندىك ءۇشىن قوزعالىس» (%3,79)، «گرۋزيا پارتريوتتارى اليايانسى» (%3,14)، «گرۋزيانىڭ لەيبوريستىك پارتياسى» (%1)، «الەكو ەليساشۆيلي ازاماتتارى» (%1,33)، «گيرچي» (%2,89)، «لەلو گرۋزيا ءۇشىن» (%3,15) جانە «گەورگي ۆاشادزە - اگماشەنەبەلي ستراتەگياسى بلوگى» (% 3,15).

اۆتور: ميرا تولەندى قىزى