اقپارات كوزدەرىنىڭ حابارلاۋىنشا، قازىر ەكەۋى دە ءدىن امان. دارىگەرلەر ولارعا دەر كەزىندە كومەك كورسەتىپ ۇلگەرگەن. ەندى ۇلى بريتانيانىڭ ءدارى - دارمەكتى رەتتەۋ اگەنتتىگى مەديتسينالىق پرەپاراتتار مەن ازىق- تۇلىككە اللەرگياسى بار تۇرعىندارعا ازىرگە ۆاكسينا قابىلداۋدان باس تارتۋعا شاقىرادى. ماماندار پرەپاراتتىڭ ناقتى قاي قۇرامىنان اللەرگيا تۋىنداعانىن ءالى انىقتاعان جوق.
دجۋن رەين، مەديتسينالىق تاۋار مەن ءدارىنى رەتتەۋ اگەنتتىگىنىڭ باسشىسى:
- ەگەر پرەپاراتتان جاناما اسەر پايدا بولسا، قاۋىپتىلىگى جوعارى توپقا جاتاتىن تۇرعىندارعا مىندەتتى تۇردە ەسكەرتۋىمىز كەرەك. بۇرىن اللەرگياسى بايقالعان نەمەسە اللەرگياسى بار ادامدار ەكپە قابىلداماعانى ءجون.
ال ا ق ش- تىڭ ازىق- تۇلىك جانە ءدارى - دارمەك قاداعالاۋ باسقارماسى Pfizer مەن BioNTech كومپانيالارى وندىرگەن پرەپاراتتى قولدانىسقا ەنگىزۋ كەرەك دەگەن پىكىردە. بولجام بويىنشا ءدارى ەرتەڭ رەسمي تۇردە ماقۇلدانۋعا ءتيىس. كەيىن جوسپار بويىنشا ەلدە جاپپاي ۆاكسيناتسيالاۋ ناۋقانى باستالادى. الايدا پرەپاراتتىڭ جاناما اسەر تيگىزەتىنىن ەستىگەن تۇرعىنداردىڭ كوبى ەكپەگە كۇمانمەن قاراي باستادى. ەستەرىڭىزدە بولسا وسى اپتادا بۇل ۆاكتسينا سىناقتان وتكەن كەزدە 6 ەرىكتىنىڭ كوز جۇمعانى جايلى حابار تارادى. مارقۇمداردىڭ ەكەۋىنە پرەپاراتتىڭ ءوزىن ەكسە، قالعانىنا پلاتسەبو ەنگىزگەن. كەيىن تاعى 4 ادامدا بەت جۇيكەسىنىڭ سال بولىپ قالعانى بايقالدى. ەندى ماماندار حالىق ۆاكسينادان باس تارتۋى مۇمكىن دەپ الاڭداپ وتىر.
ەنتوني فاۋچي، ا ق ش- تىڭ باس ينفەكتسيونيسى:
- ۆاكسينانىڭ وڭ اسەرى بولسا دا حالىقتىڭ شامامەن 40 نەمەسە 50 پروتسەنتى عانا ەكپە قابىلدايتىن بولادى. ال قاۋىپسىزدىكتى قامتاماسىز ەتەتىن ۇجىمدىق يممۋنيتەتتىڭ قالىپتاسۋى ءۇشىن ءالى تالاي ۋاقىت كەتۋى مۇمكىن.
سوڭعى كەزدەرى اقپارات كوزدەرىندە Pfizer ۆاكسيناسى توڭىرەگىندە سان الۋان پىكىرلەر جازىلىپ جاتىر. ايتا كەتەرلىگى، بۇگىندە جەر بەتىندە اللەرگيالىق اۋرۋمەن اۋىراتىنداردىڭ سانى وتە كوپ.
ەنتوني فاۋچي، ا ق ش- تىڭ باس ينفەكتسيونيسى:
- پرەپاراتتىڭ اللەرگيا بەرۋى سيرەك كەزدەسسە دە، وسى اۋرۋى بار ادامداردىڭ بارلىعى ونى قابىلداۋ الدىندا ءجۇز قۇبىلاتىن بولادى. دەسە دە قۇراما شتاتتار ۆاكتسيناتسياعا قىزۋ دايىندالىپ جاتىر. ايماقتاعى اۋرۋحانالاردا ارنايى ورتالىقتار اشىلىپ، ءدارىنى دۇرىس ساقتاۋ ءۇشىن ءتيىستي مۇزداتقىشتار جەتكىزىلدى. باستى تالاپ ۆاكسينا -70 گرادۋستا ساقتالۋى كەرەك. جالپى بۇگىندە Pfizer ۆاكسيناسىن قولدانىسقا ەنگىزۋدى ۇلى بريتانيا، ساۋد ارابياسى، باحرەين مەن كانادا رەسمي تۇردە ماقۇلداپ ۇلگەردى. ال، ارگەنتينا بيلىگى بولسا رەسەيدىڭ «سپۋتنيكا V» پرەپاراتىمەن كەلىسىمگە وتىرعان. رەسەيلىك عالىمداردىڭ ايتۋىنشا، كورشى ەلدىڭ شىعارعان ءدارىسى الەمدە ەڭ جوعارعى وڭ ناتيجە كورسەتىپ وتىر.
البەرتو فەرناندەس، ارگەنتينا پرەزيدەنتى:
- الداعى جىلدىڭ قاڭتار مەن اقپان ايلارىندا 10 ميلليون ادامعا ەكپە ەگۋ ءۇشىن جەتكىلىكتى دوزا ۆاكسينا جەتكىزىلەدى. مەن رەسەيلىك عالىمدارعا تولىعىمەن سەنەمىن. ەل تۇرعىندارىنىڭ دا سەنىم ارتۋىنا شاقىرامىن. ءبىرىنشى بولىپ ەكپەنى مەن قابىلدايتىن بولامىن.
www.24.kz