ەلوردادا مەكتەپتەردىڭ ءبارى دە قاشىقتان وقىتۋ رەجيمىنە كوشۋى مۇمكىن

بۇل تۋرالى نۇر-سۇلتان قالاسىنىڭ باس سانيتارلىق دارىگەرى جاننا پراليەۆا ءمالىم ەتتى، دەپ حابارلايدى قازاقپارات ءتىلشىسى.

«وقۋشىلار مەن وقىتۋشىلار اراسىندا COVID-19 جاعدايلارىنىڭ تىركەلۋى كۇن سايىن جالعاسىپ جاتقاندىقتان، مەنشىك نىسانىنا قاراماستان، مەكتەپتەردى قاشىقتان وقىتۋ جۇيەسىنە كوشۋ ماسەلەسى قاراستىرىلۋدا. 10-جەلتوقسانداعى جاعداي بويىنشا، اۋداندىق سانەپيدباقىلاۋ باسقارمالارىنىڭ باس مەملەكەتتىك سانيتارلىق دارىگەرلەرىنىڭ قاۋلىلارىمەن 20 مەكتەپتە وقۋ پروتسەسى 14 كۇنگە ونلاين رەجيمگە اۋىستىرىلدى»، - دەدى جاننا پراليەۆا قالا اكىمدىگىندە وتكەن باسپا ءسوز ءماسليحاتىندا. ونىڭ ايتۋىنشا، وقۋ جىلىنىڭ باسىنان بەرى بارلىعى 224 وقۋشى اۋىرعان. ونىڭ 179 ى قاشىقتان (قالادان تىس جەرلەردەن كەلگەن وقۋشىلار سانى - 15, ونىڭ ىشىندە وففلاين رەجيمدە - 2) وقىعاندار. مەكتەپ بويىنشا بارلىعى 590 قاتىناستا بولعان ازامات تەكسەرىلدى. 8 جاعدايدا مەكتەپ وقۋشىلارى جانە 1 جاعدايدا وقىتۋشى قارىم- قاتىناستا بولعاندىقتان اۋىرعان.

اۆتور: ايان بەكەن ۇلى