دارىگەردىڭ ايتۋىنشا، ونكولوگيا سالاسىنداعى بۇل كونفەرەنتسيا كاسىبي ءبىلىم مەن تاجىريبەنى كەڭەيتۋگە مۇمكىندىك بەرەدى.
«ءبىزدىڭ اكادەميا وتكەن جىلدىڭ ماۋسىم ايىندا قۇرىلدى. اكادەميانى شىعىس ەۋروپا ەلدەرى قولدادى. ونىڭ باستى ماقساتى - ونكولوگيا سالاسىنداعى كاسىبي دەڭگەيدى جاقسارتۋ جانە ەلدەگى ونكولوگيالىق ەمدەۋدىڭ تيىمدىلىگىن ارتتىرۋ، مامانداردىڭ حالىقارالىق تاجىريبەسىن جيناقتاۋ. سونداي- اق، قاتەرلى ىسىك اۋرۋلارىنىڭ الدىن الۋ، دياگنوستيكالاۋ، ەمدەۋ جانە زەرتتەۋلەر سالاسىنا كۇش سالۋ»، - دەدى ول.
سونىمەن قاتار، قازىرگى كەزدە ونكولوگيا ماڭىزدى پروبلەماعا اينالعانىن اتاپ ءوتتى.
«ونكولوگيالىق اۋرۋدا شەكارا جوق. ءار ەلدە جاعداي ءارتۇرلى. ءبىراق ماقسات بىرەۋ - ءبارىمىز بۇل اۋرۋمەن كۇرەسۋىمىز كەرەك. مەن تانىمال قازاقستاندىق ونكولوگتارمەن ارىپتەستىك قارىم- قاتىناس ورناتقانىمىزعا ريزامىن. مەن ءۇشىن بۇل كونفەرەنتسياعا قاتىسۋ ۇلكەن مارتەبە. شارا بارىسىندا تاجىريبە الماسىپ، ءبىلىمىمدى جەتىلدىرەمىن دەپ ويلايمىن. بولاشاقتا ءبىز ونكولوگيانى زەرتتەۋ سالاسىندا ءبىرقاتار بىرلەسكەن جوبالاردى جۇزەگە اسىرا الامىز دەپ ۇمىتتەنەمىن»، - دەدى زولتان ماتراي. ايتا كەتەيىك، الماتىدا «قازاقستان ونكولوگياسى. كەشە. بۇگىن. ەرتەڭ» اتتى حالىقارالىق كونفەرەنتسيا ءوتىپ جاتىر.