بۇل تۋرالى بۇگىن نۇر-سۇلتان قالالىق پوليتسيا دەپارتامەنتى باستىعىنىڭ ءبىرىنشى ورىنباسارى باقىتجان مالىبايەۆ ايتتى، دەپ حابارلايدى قازاقپارات ءتىلشىسى.
«11 ايدىڭ قورىتىندىسىندا قىلمىستاردىڭ تىركەلۋى 30,8 پايىزعا تومەندەپ وتىر. الدىن الۋ جۇمىستارىن جۇرگىزۋدىڭ ناتيجەسىندە قوعامدىق ورىنداردا جاسالاتىن قىلمىس 52,9، كوشەلەردە 48,4، ماس كۇيدە جاسالاتىن قىلمىس 30,3 پايىزعا ازايدى. توپتىق قىلمىس 39 پايىزعا تومەندەپ، كامەلەتكە تولماعاندار تاراپىنان ورىن الاتىن قىلمىس 21 پايىزعا كەمىدى. 10 مىڭ ادامعا شاققانداعى قىلمىس دەڭگەيى 34,3 پايىزعا، 175 تەن 115 كە قىسقاردى. جول- كولىك وقيعالارى 19 پايىزعا تومەندەپ، زارداپ شەگۋشىلەر سانى 27، قايتىس بولاتىندار سانى 21 پايىزعا ازايدى»، - دەدى باقىتجان مالىبايەۆ نۇر-سۇلتان قالاسى قوعامدىق كەڭەسىنىڭ وتىرىسىندا.
ونىڭ اتاپ وتۋىنشە، جىل باسىنان بەرى ەلوردا جولدارىندا 997 مىڭ قۇقىق بۇزۋشىلىقتىڭ جولىكەسىلدى. 6,3 ميلليارد تەڭگەگە ايىپپۇل سالىنىپ، كولىگىنماس كۇيدە باسقارعان 865 جۇرگىزۋشى ۇستالدى. 837 جۇرگىزۋشى كولىك باسقارۋ قۇقىنان ايىرىلدى، 834 جۇرگىزۋشى اكىمشىلىك قاماۋعا الىندى. سونىمەن قاتار 10706 جاياۋ جۇرگىنشىگە ايىپپۇل سالىندى. قالا بويىنشا 1 ميلليون 228 اكىمشىلىك قۇقىق بۇزۋشىلىق انىقتالدى.
«مەملەكەت باسشىسىنىڭ تاپسىرماسىن ورىنداۋ اياسىندا ەلوردادا «پوليتسيا قادامدىق قولجەتىمدىلىكتە» ۇستانىمى ەنگىزىلىپ جاتىر»، - دەدى ول.
اۆتور: مارلان جيەمباي