تۇركىستان وبلىسىندا جەكپە-جەك سپورتىن دامىتۋ ماسەلەلەرى تالقىلاندى

تۇركىستان. قازاقپارات - تۇركىستان وبلىسى بويىنشا جاۋىنگەرلىك ونەر قاۋىمداستىعىنىڭ باسشىسى داۋرەن تاڭىربەرگەنوۆ سايرام جانە تولەبي اۋداندارىنا ساپارمەن باردى.

سپورت مەكتەپتەرىن ارالاعان قاۋىمداستىق باسشىسى وبلىس كولەمىندە وليمپيادالىق ەمەس سپورت تۇرلەرىن دامىتۋ مەن تاجىريبەلى جاتتىقتىرۋشىلاردى جاساقتاۋ، ولارعا ادىستەمەلىك كومەك كورسەتۋ ماسەلەلەرىن ءسوز ەتتى، دەپ حابارلايدى قازاقپارات ءتىلشىسى.

كەزدەسۋ بارىسىندا سونداي-اق، سپورتشىلاردىڭ وقۋ-جاتتىعۋ شارالارىنا قولداۋ ءبىلدىرۋ مەن قاجەتتى قۇرال-جابدىقتارمەن قامتاماسىز ەتۋ، ءتۇرلى دەڭگەيدەگى جارىستارعا بارۋعا جاعداي جاساۋ جايى تالقىلاندى.

تولەبي اۋدانىنىڭ اكىمى باۋىرجان وماربەكوۆپەن جۇزدەسكەن داۋرەن راحىم ۇلى قاۋىمداستىقتىڭ الداعى جوسپارىمەن تانىستىردى.

ءوز كەزەگىندە اۋدان اكىمى جاۋىنگەرلىك جەكپە-جەك ءتۇرىن دامىتۋدا اتسالىسۋعا دايىن ەكەنىن اتاپ وتسە، سايرام اۋدانى اكىمىنىڭ ورىنباسارى اڭسار وسەربايەۆ قاۋىمداستىق جۇمىسىنا ءاردايىم قولداۋ بىلدىرەتىنىن جەتكىزەدى. قاۋىمداستىق باسشىسى ساپارى بارىسىندا سايرامداعى كيكبوكسينگ جانە لەنگىر قالاسىندا مۋايتاي سپورتىمەن اينالىساتىن سپورتشىلارمەن جۇزدەستى.

ايتا كەتۋ كەرەك، اتالعان قاۋىمداستىق قۇرامىنا 8 سپورت ءتۇرى كىرەدى. ولاردىڭ قاتارىنا «م م ا ارالاس جاۋىنگەرلىك جەكپە-جەك»، «ۋشۋ كۋنگ-فۋ»، «مۋايتاي»، «KARATE «، «تاەكۆاندو ITF» ، «كيكبوكسينگ»، «سامبو كۇرەسى، «پانكراتيون جانە گرەپلينگ» (AIGA نۇسقاسى) فەدەراتسيالارى ەنگەن.

جالپى جاۋىنگەرلىك ونەر سپورتىنىڭ دارەجەسىن كوتەرۋ باعىتىندا ءتيىستى جۇمىستار ءالى اتقارىلاتىن بولادى.