«ۇكىمەت قاۋلىسىنا سايكەس، ارمەنيادان اكەلىنەتىن كولىكتەردى تىركەۋ مەرزىمى 2021 -جىلدىڭ 1 - ناۋرىزىنا دەيىن ۇزارتىلعان بولاتىن. دەگەنمەن، سوڭعى ۋاقىتتا ول جاقتان كولىك اكەلۋ توقتاپ تۇر. ويتكەنى، شەكارا جابىق جانە ءىس جۇزىندە سىرت ەلگە شىعۋ بولمادى دەسەك تە ارتىق ەمەس»، - دەدى كوميتەت ءتوراعاسىنىڭ ورىنباسارى ب ا ق وكىلدەرىنە بەرگەن سۇحباتىندا.
سونىمەن قاتار ول قاي ۋاقىتتان قازاقستاندىقتار وزىمەن بىرگە كولىك جۇرگىزۋگە رۇقسات بەرەتىن جۇرگىزۋشى كۋالىگى مەن تەحنيكالىق پاسپورتتى الىپ جۇرمەۋىنە بولاتىندىعىن ءتۇسىندىردى.
«قازىرگى ۋاقىتتا بۇل زاڭ جوباسى ءماجىلىس قاراۋىندا جاتىر. ول قابىلدانعاننان كەيىن كولىگىڭىز قازاقستاندا تىركەلسە، جۇرگىزۋشى كۋالىگىن ەلىمىزدە الساڭىز، وندا كولىك قۇرالىن باسقارۋ ءۇشىن سىزگە وزىڭىزبەن بىرگە جەكە كۋالىگىڭىزدى الىپ جۇرسەڭىز جەتكىلىكتى بولادى. ەگەر جۇرگىزۋشىنىڭ تۇلعاسىن نە بولماسا اتالعان كولىكتى انىقتاۋ قاجەت بولعان جاعدايدا جول جۇرىسىنە قاداعالاۋدى جۇزەگە اسىراتىن پوليتسيا قىزمەتكەرى ەلەكتروندى پلانشەتتى پايدالانادى. قازىرگى ۋاقىتتا بىزدە شامامەن 9 مىڭ ەلەكتروندى پلانشەت بار جانە جول ءجۇرىسىن قاداعالاۋعا جۇمىلدىرىلعان قىزمەتكەرلەردىڭ بارلىعى مۇنداي قۇرىلعىمەن جابدىقتالعان»، - دەدى سەرىك ءتۇسىپوۆ.