ۆەنەتسيادا تەڭىز دەڭگەيى 122س م- گە دەيىن كوتەرىلگەن. 130 س م قاۋىپتى دەپ ەسەپتەلگەن جانە جەرگىلىكتى بيلىكتىڭ ايتۋىنشا، قاتە بولجامدارعا بايلانىستى جاقىندا تاجىريبەلىك نەگىزدە كۇشىنە ەنگەن «مويسەي» قورعانىس جۇيەسى ىسكە قوسىلماعان. بولجام بويىنشا سۋ دەڭگەيى 145 س م- گە دەيىن كوتەرىلۋى مۇمكىن. يتاليادا ەل بويىنشا قولايسىز اۋا رايىنا قاتىستى ەسكەرتۋ جاريالاندى. ول جەكسەنبىگە دەيىن سوزىلۋى مۇمكىن. تاۋلاردان كوشكىن جۇرگەنى تۋرالى حابارلانىپ جاتقان ۆەنەتو، فريۋلي- ۆەنەتسيا- دجۋليا، ەميليا-رومانيا ايماقتارى، سونداي- اق وڭتۇستىك كامپانيا جانە سيتسيليا ارالى تابيعات اپاتىنان كوبىرەك زارداپ شەكتى. اپپەنيننىڭ ورتالىعى مەن سولتۇستىگىنە قاتتى داۋىل سوعىپ، نوسەر جاڭبىر جاۋدى. بۇل وڭىردە دە تاسقىن مەن سۋ دەڭگەيىنىڭ كوتەرىلگەنى تۋرالى حابارلانىپ جاتىر. سولتۇستىكتە ءتىپتى 600-800 مەتر بيىكتىككە قار تۇسكەن. سەيسەنبى كۇنى مەتەوەسكەرتۋدىڭ ەڭ جوعارى «قىزىل» دارەجەسى جاريالانعان لاتسيوداعى تيبر وزەنىنىڭ سۋ دەڭگەيى باقىلاۋعا الىندى.
21:42, 09 جەلتوقسان 2020
ۆەنەتسيا تاعى دا سۋ استىندا قالدى
ريم. ANSA- قازاقپارات - تەڭىز دەڭگەيى كۇتپەگەن جەردەن كوتەرىلىپ، وعان قاتتى جەل قوسىلىپ ۆەنەتسياداعى اۋليە مارك سوبورىنىڭ ەڭ كونە، تومەنگى بولىگى سۋ استىندا قالدى، دەپ حابارلايدى قازاقپارات ANSA اگەنتتىگىنە سىلتەمە جاساپ.