بۇل ءبىر جىل بۇرىنعى كورسەتكىشتەن 13,8 پايىزعا جوعارى، دەپ حابارلايدى قازاقپارات ءتىلشىسى Finprom.kz - كە سىلتەمە جاساپ.
ەلىمىزدىڭ التىن-ۆاليۋتا رەزەرۆىنىڭ ارتۋى التىن قورجىنىنىڭ وسىمىمەن بايلانىستى. وتكەن جىلدىڭ ءدال وسىنداي كەزەڭىمەن سالىستىرعاندا كورسەتكىش 26,9 پايىزعا ارتىپ، اقشاعا شاققاندا 23,2 ميلليارد دوللاردى قۇرادى.
2015-جىلدان بەرى ەلىمىزدىڭ رەزەرۆتەرىندەگى التىن ۇلەسى تۇراقتى ارتىپ كەلەدى. وسى جىلدىڭ قازانىندا التىن-ۆاليۋتا رەزەرۆىندەگى ونىڭ ۇلەسى 69,1 پايىزعا جەتتى. التىن ۇلەسىنىڭ ايتارلىقتاي ءوسىمى ەلىمىزدىڭ ۇلتتىق بانكىنىڭ باعالى مەتالدى جاپپاي ساتىپ الۋى مەن قورجىنىن ءارتاراپتاندىرۋعا بايلانىستى بولىپ وتىر.
كوروناۆيرۋس پاندەمياسى تۋىنداتقان داعدارىس، سونىمەن قاتار ەنەرگيا رەسرۋستارى نارىعىنداعى ايقىنسىزدىق جاعدايىندا التىنعا ينۆەستيتسيا سالۋ بارىنشا وزەكتى بولا تۇسۋدە. قازاقستان التىن قورى بويىنشا الەمدە 13-ورىندا تۇر.
2014-جىلدىڭ 4-توقسانىندا ەلىمىز اتالعان رەيتينگتىڭ 23-ساتىسىندا بولعان ەدى. سول جىلدان باستاپ ق ر ۇلتتىق بانكىنىڭ التىن-ۆاليۋتا قورىنا وسى باعالى مەتالدى ساتىپ الۋ قارقىندى جۇرگىزىلىپ، وسى جىلدىڭ قاراشاسىندا ونىڭ سالماعى 383,3 تونناعا جەتتى.
ق ر ۇلتتىق بانكى 2014-2019-جىلدارى ارالىعىندا عانا 215,2 توننا التىن ساتىپ الدى. بۇعان قوسا، ەلىمىز وسى جىلدىڭ 3-توقسانىندا التىن ساتىپ الۋدا الەمنىڭ توپ-5 ەلىنىڭ قاتارىنا كىردى.