اق ءۇي باسشىسىنىڭ ەڭ جاقىن ارىپتەسىنىڭ دەرتتى قايدان جۇقتىرىپ العانى ازىرگە بەلگىسىز. سوڭعى كۇندەرى ول دجوردجيا شتاتىنىڭ زاڭگەرلەرىمەن پرەزيدەنتتىك سايلاۋدىڭ ناتيجەسىن تالقىلاۋ كەزىندە بەتپەردەسىز جۇرگەن. ءوز قورعاۋشىسىنىڭ كەسەلدى جۇقتىرعانىن ەستىگەن ترامپ تۆيتتەرىندە «رۋدي، تەزدەتىپ جازىل» دەپ جازعان.
ال 76 جاستاعى دجۋلياني ءوزىنىڭ ۆيرۋستى جۇقتىرىپ العانىن ءالى جاريالاماعان. سوندىقتان ونىڭ وقشاۋلانىپ، ەم الۋعا كىرىسكەنى دە بەلگىسىز. ال اقپارات قۇرالدارىنىڭ حابارلاۋىنشا، ترامپتىڭ ادۆوكاتى سوڭعى ۋاقىتتارى قاراشاداعى سايلاۋعا قاتىستى ءتۇرلى شتاتتى ارالاعان كەزدە بەتپەردە تاقپاي ساقتىق شاراسىنا كوپ ءمان بەرە بەرمەگەن.
www.24.kz