«مەرەكە كۇندەرى، سونىڭ ىشىندە جاڭا جىل مەرەكەسى كەزىندە ءبىز ءارقاشان پاتسيەنتتەردىڭ ۇلكەن اعىمىن كۇتەمىز. سەبەبى، جىلدا بولاتىن ستاتيستيكالىق دەرەك وسىنى كورسەتەدى. ءبىرىنشى كەزەكتە، بۇل پەتاردا، وتشاشۋ جانە تاعى دا باسقا زاتتاردى قاۋىپتى پايدالانعانداعى جاراقاتتارعا. ودان باسقا تۇرمىستا بولاتىن جاراقاتتار بار. سونداي- اق، ءتۇرلى تاعام نەمەسە سۋسىننان، ىشىمىكتەن ۋلانىپ تۇسەتىندەردىڭ دە قاتارى وتە كوپ»، - دەدى ءبىرجان وسپانوۆ.
سونىمەن قاتار، كوروناۆيرۋسقا قاتىستى جاعدايدى ەسكەرە وتىرىپ، ءبىرجان وسپانوۆ الماتىلىقتاردى جاپپاي شارالار وتكىزۋدەن باس تارتۋعا، سونىڭ ىشىندە مەرەكە كەزىندە باسقوسۋدى شەكتەۋگە شاقىردى.
«ءبىز جاقىندارىمىزبەن، دوستارىمىزبەن ارالاسىپ تۇرعاندى جاقسى كورەمىز، اسىرەسە مەرەكە كۇندەرى ولارمەن بىرگە بولعىمىز كەلەدى. قۇرمەتتى ازاماتتار، ءبىز سىزدەردەن بايلانىستى شەكتەۋدى، كوپ بولىپ جينالماۋدى، وسىلايشا تۋىستارىڭىزدى قورعاۋدى سۇرايمىز. سەبەبى بۇل - وتە وزەكتى ماسەلە. تۋعاندارىڭىزعا جانىڭىز اشىسا، سولاي ەتكەنىڭىز ءجون. كوپشىلىك ءىس- شارالاردى وتكىزۋدەن اۋلاق بولۋ كەرەك. ۆيرۋستىڭ بايلانىس جاساۋ جانە اۋا تامشىلارى ارقىلى تارالاتىنىن ەستە ۇستاعان ءجون. بەتپەردە كيىڭىز، قولىڭىزدى انتيسەپتيكپەن تازارتىڭىز، بولمەلەردى دەزينفەكسيالاڭىز»، - دەدى ول.
بۇعان دەيىن مەديتسينا عىلىمدارىنىڭ كانديداتى، قاراعاندى مەديتسينالىق ۋنيۆەرسيتەتىنىڭ كلينيكالىق فارماكولوگيا كافەدراسىنىڭ مەڭگەرۋشىسى، پروفەسسور شولپان قاليەۆا كوروناۆيرۋستان قورعانۋدىڭ باستى فاكتورلارىن اتاعان بولاتىن. ونىڭ ايتۋىنشا، ماسكا تاعۋ، الەۋمەتتىك قاشىقتى ساقتاۋ، دەزينفەكسيا ۆيرۋستان قورعايتىن باستى شارالار بولىپ وتىر.
«ادامدار اۋىرا ما، اۋىرماي ما وعان قاراماستان كوپ بايلانىسقا تۇسپەۋگە تىرىسۋ كەرەك. ادامدار اۋىراتىنىن بىلمەۋى دە مۇمكىن. سوندىقتان، ماسكا تاعۋعا مىندەتتى. ويتكەنى ماسكا ۆيرۋستىڭ 70 پايىزىن سۇزەدى. ادام جۇقتىرعان جاعدايدا دا ۆيرۋس جۇكتەمەسى دە از بولادى. قوعامدىق ورىندارعا بارعان سوڭ قولدى سانيتايزەرمەن تازالاۋ كەرەك»، - دەيدى شولپان قالييەۆا.
ال الماتى قالاسى پسيحيكالىق دەنساۋلىق ورتالىعىنىڭ ديرەكتورى ساپار راحمەنشەيەۆ بيىل ج ر ۆ ي، تۇماۋ، كوروناۆيرۋس قاتار جۇرەتىنىن ايتقان ەدى.
«تۇماۋ بەلگىسىن بايقاساڭىز مىندەتتى تۇردە ەمحاناعا جۇگىنۋ كەرەك. ءوزىن- ءوزى ەمدەۋمەن اينالىسۋدىڭ قاجەتى جوق. ەڭ باستىسى - دارىگەرلەرمەن كەڭەسكەن ابزال. حابارلاسقاننان كەيىن دارىگەرلەر ءسىزدى باقىلاۋعا الىپ، قاجەتتى ەمدەۋدى تاعايىندايدى»، - دەدى ول.
اۆتور: گۇلميرا عوسمانالي