«سىزدەر جاڭالىق قاراعاندا ايماقتاعى جاعداي كۇردەلى دەگەن پىكىر قالىپتاسۋى مۇمكىن. ءىس جۇزىندە ولاي ەمەس. جاعداي تولىق باقىلاۋدا. ايماقتا قاتاڭ شەكتەۋ شارالارى ءبىر ايدان بەرى قولدانىلىپ كەلەدى. شەكارا بەكەتتەرىندە كارانتين ستاتسيونارلارى ورنالاستىرىلدى. پ ت ر- تەست بولماسا، ەلگە كىرۋگە تىيىم سالىنعان»، - دەپ اتاپ ءوتتى اكىم ورتالىق كوممۋنيكاتسيالار قىزمەتىندە وتكەن بريفينگتە.
وبلىس ورتالىعىندا كارانتين ەنگىزىلدى. دەمالىس كۇندەرى «لوكداۋن» رەجيمى ورناعان. پويىزداردىڭ سانى قىسقارىپ، وڭىردەگى اۆتوبۋس مارشرۋتتارى توقتاتىلدى.
«بۇل شارالاردىڭ بارلىعى جاعدايدى تۇراقتاندىرۋ ءۇشىن قابىلدانعان. كۇن سايىن ۆيرۋس جۇقتىرۋ مەن اۋرۋحاناعا جاتۋ وقيعالارى ازايىپ كەلەدى. جالپى اۋىرعانداردىڭ جازىلىپ شىقتى. دەنساۋلىق ساقتاۋ جۇيەسىنە دە ايتارلىقتاي جۇكتەمە تۇسكەن جوق. ستاتسيونارداعى توسەك- ورىن قورىنىڭ 6 دا ناۋقاستار جاتىر. جوسپارلى اۋرۋحاناعا جاتقىزۋ جۇمىستارى توقتاعان جوق. سوندىقتان، قازىرگى ەپيدەميالىق جاعدايعا سۇيەنە وتىرىپ، جەلتوقسان ايىنىڭ ورتاسىنا قاراي دەمالىس جانە مەرەكە كۇندەرىندەگى لوكداۋندى الۋدى، وبلىس ورتالىعىندا شەكتەۋ شارالارىن ايتارلىقتاي جەڭىلدەتۋدى جوسپارلاپ وتىرمىز»، - دەدى ق. اقساقالوۆ.
سونىمەن بىرگە، ايماقتا جاڭا جۇقپالى اۋرۋلار اۋرۋحاناسى سالىنىپ، جاساندى تىنىس الۋ اپپاراتتارى ساتىپ الىندى. جەدەل جاردەم كولىكتەرىن جابدىقتاۋ 76 پايىزدان 100 پايىزعا جەتكىزىلگەن.
اۆتور: ايجان سەرىكجان قىزى