الايدا، دەرەككوز مالىمەتىنشە، ەلدەگى مەديتسينالىق مەكەمەلەردە COVID-19 بەلگىلەرى بار پنەۆمونيامەن اۋىراتىن ناۋقاستاردىڭ سانى كوپ جانە ناۋقاستارعا ورىن جەتىسپەي جاتىر. ءتىپتى كوبى اۋرۋحاناعا جاتقىزۋدان باس تارتىپ جاتىر ەكەن.
«كوروناۆيرۋستان قايتىس بولعاندارعا پنەۆمونيا دياگنوزى قويىلىپ، ونى ءولىمنىڭ سەبەبى رەتىندە كورسەتىپ جاتىر. ال ولاردى جەرلەۋ قاۋىپسىزدىك ورگاندارى قىزمەتكەرلەرىنىڭ قاداعالاۋىمەن جۇرگىزىلەدى. ءبىراق تۇرىكمەنستان بيلىگى ەلدە كوروناۆيرۋستىڭ بىردە-ءبىر جاعدايى تىركەلمەگەنىن ايتادى»، - دەپ جازادى باسىلىم.
ەلدىڭ كەي ايماعىندا كوروناۆيرۋس بەلگىلەرى بار بارلىق ناۋقاستى اۋرۋحاناعا جاتقىزۋ مۇمكىن ەمەستىگىنە بايلانىستى ءبىرقاتار مەديتسينالىق مەكەمەنىڭ كارانتينگە جابىلعانى ايتىلادى. وسى سەبەپتى، كوپتەگەن ناۋقاس حالىق ەمىمەن ءۇي جاعدايىندا ەمدەلىپ جاتىر ەكەن.