ءبىراق نوۋتبۋكقا دا كۇتىم كەرەك. ونى ۇزاق پايدالانعىڭىز كەلسە، وندا كەي قاراپايىم ەرەجەلەردى ۇستانۋدى ۇمىتپاڭىز.
نوۋتبۋك جىلدام قىزىپ كەتەتىن بولعاندىقتان دا جۇمىسى اۋىرلاي باستايدى. «تىنىسى» تارىلادى. ول ءۇشىن نە ىستەۋ كەرەك؟
1. نوۋتبۋكتىڭ جەلدەتكىش ساڭىلاۋى بار تۇسىن ەشقاشان بۇركەمەڭىز. «تىنىسى» تارىلادى دەگەن وسى جەردە ايتىلسا كەرەك، ياعني ىشىندە اۋا دۇرىس اينالمايدى. ءسويتىپ قىزا باستايدى. جەلدەتكىش اۋانى رەتتەيدى ءارى قىزىپ كەتۋدەن قورعايدى. سوندىقتان نوۋتبۋكتى قاتتى، تەگىس جەرگە قويىپ جۇمىس ىستەڭىز. مامىق كورپە، جۇمساق ديۆان ۇستىندە نوۋتبۋك جىلدام قىزادى.
2. نوۋتبۋكتارعا ارنالعان ارنايى جەلدەتكىش ساتىپ الىڭىز. ول كوبىنە قۇرىلعىنىڭ سىرتقى بولىگىن سالقىنداتۋعا كومەكتەسەدى.
3. تاعى ءبىر امال - قۇرىلعىعا كوپ «سالماق» تۇسىرەتىن باعدارلامالاردى قولدانباڭىز. بىرەۋىن قولدانساڭىز دا، بىرنەشەۋىن اشىپ جۇمىس ىستەمەڭىز. مۇنىڭ اسەرىنەن دە نوۋتبۋك قىزادى.
4. نوۋتبۋكتىڭ جەلدەتكىشى مەن جەلدەتكىش ساڭىلاۋلارىن ۇنەمى تازالاپ تۇرىڭىز. ءوزىڭىز جاساي الماساڭىز، ارنايى ماماندارعا تازالاتىڭىز. قۇرىلعى ىشىندەگى جەلدەتكىش ساڭىلاۋلارعا شاڭ- توزاڭ تولعاننان دا نوۋتبۋك قىزا باستايدى. ءتىپتى «گۇرىلدەپ» داۋىسى شىعا باستاۋى مۇمكىن.
5. نوۋتبۋكتىڭ باپتاۋ پروتسەسىن وزگەرتىڭىز. ءوزىڭىز قولداناتىن قۇرىلعىنىڭ مۇمكىندىگىن ءاردايىم قاداعالاڭىز. كوپ «سالماق» تۇسىرمەيتىن جولىن تابىڭىز. بۇل دا قىزىپ كەتۋدەن ساقتايدى.
ال نوۋتبۋك قىزىپ كەتكەن جاعدايدا، وندا قاراپايىم عانا امال - ءوشىرۋ. سۋىعانشا قۇرىلعىنى قوسپاڭىز.
massaget.kz