«كوروناۆيرۋستان كوز جۇمعان ناۋقاستاردىڭ كوپشىلىگى، COVID-19-دان ەمەس، اۋرۋحانادا جۇقتىرىلعان سۋپەرينفەكتسيادان قايتىپ جاتىر. ونىڭ ەمى جوق. كوروناۆيرۋسپەن اۋىرعان ناۋقاستاردىڭ ءبىر ەرەكشەلىگى - ولاردىڭ دەنەسىندە وتە ءقاۋىپتى سۋپەرينفەكت باكتەريالاردىڭ تەز قالىپتاسۋىندا. سونىمەن قاتار، بۇل - دارىلەرگە تۇراقتىلىعى جوعارى، ەمدەۋ مۇمكىندىگى شەكتەۋلى شتامدار. ءبىز ولاردى ءجيى انىقتاپ جاتىرمىز»،- دەيدى رەسەيلىك ميكروبيولوگ كونستانتين سيەۆەرينوۆ.
دارىگەردىڭ ايتۋىنشا، سۋپەرينفەكتسيانىڭ تابيعاتى ۆيرۋستىق ەمەس، باكتەريالىق.
«ءبىز ۇزاق ۋاقىت بويى جاساندى تىنىس الۋ اپپاراتىندا بولعان ادامداردا پايدا بولاتىن ينفەكتسيالار تۋرالى ايتىپ وتىرمىز. ولاردىڭ قوزدىرعىشى - كوك ءىرىڭدى تاياقشا. COVID-19 جاعدايىندا بۇل اسىرەسە ايقىن كورىنەدى. ناۋقاس ادامدارعا تىنىس الۋ قوسپاسى بەرىلەدى، بۇل ءىس جۇزىندە وكپەنى جاساندى جەلدەتۋ بولىپ تابىلادى» دەيدى ميكروبيولوگ.
ەگەر اۋرۋحانانىڭ وزىندىك پاتوگەندىك ميكروفلوراسى بولسا، دەمەك ول تىنىس الۋ جولدارىنا دا ەنەدى. سونىمەن قاتار، جاساندى جەلدەتكىشتە جاتقان ادامدار ۇنەمى انتيبيوتيك قابىلدايدى. جاپپاي، اسىرەسە ەپيدەميانىڭ العاشقى كەزەڭدەرىندە COVID-19-دى ەمدەيتىن «قىزىل ايماقتا» تۇراقتى ميكروبتاردىڭ ۇلەسى ارتقان. ودان بولەك، اۋرۋحانادان تىس جەرلەردە دە تۇراقتى ميكروبتار ءجيى كەزدەسۋدە.