نىسانبايەۆ ايىپتاۋلاردىڭ ءبىر دە ءبىر پۋنكتىن وتكىزبەي، ۇزاق ءسوز سويلەگەن. ونىڭ ءسوزى اسەرلى شىققان، كەيدە ءتىپتى كوزىنە جاس العان.
«مەن نەلىكتەن بۇل ماماندىقتى تاڭدادىم - سەبەبى اكەم دارىگەر. مەن ينتەلليگەنتتى وتباسىندا ومىرگە كەلدىم جانە اكە جولىن قۋدىم. ال اكۋشەر- گينەكولوگ بولۋىما سانكت-پەتەربۋرگتە مەديتسينا بولىمىندە وقىپ جۇرگەنىمدە وپەراتسيا جاساتۋعا كەلگەن قازاقستان ازاماتشاسى سەبەپ بولدى. سول كەزدە حيرۋرگ وپەراتسيا جاساۋىما بۇيرىق بەرىپ، ماعان: «سەندەر، ****، ءوز ادامدارىڭا وپەراتسيا جاساي المايسىڭدار« دەدى. مەن سول سوزدەردى ەستىپ، قاتتى قىنجىلىپ، ءبىلىم الىپ، ءوز ەلىمدە سونداي وپەراتسيا جاساۋعا ۋادە بەردىم. قۇدايعا شۇكىر، اكۋشەر- گينەكولوگيادا جاسالاتىن ءاربىر وپەراتسيا تۋرالى بىلەمىن. مەن گيپپوكرات انتىن بۇزعان جوقپىن، ال بىزگە وسىنداي اۋىر ايىپتاۋ بەرىپ وتىر. مەن دارىگەر بولعانىما جانە كوپتەگەن ايەل ادامعا، سابيگە كومەكتەسكەنىمە، ولاردى كۇن-ءتۇن دەمەي قۇتقارعانىما وكىنىپ وتىرمىن»، - دەيدى نىسانبايەۆ.
ونىڭ ايتۋىنشا، ايىپتاۋدىڭ ءبىر دە ءبىر پۋنكتى بويىنشا دالەل جەتكىلىكتى بولماعان.
«مەملەكەتتىك ايىپتاۋ مەن ب ا ق-تا مەن قۇجاتتا قاتەلىك جىبەرمەۋ ءۇشىن بالانى توڭازىتقىش كامەراسىندا قالدىرىپ كەتۋدى ايتقانىم جازىلعان. ءبىراق شىن مانىندە مەن سول كۇنى دوستارىممەن ساۋنادا بولدى جانە جانىمدا بولعان ادامعا سۋعا قاتىستى نارسە ايتقانمىن. اڭگىمە كەزىندە ءبىز تۇرىمبەتوۆانىڭ بالاسى تۋرالى سويلەسكەنىمىزدى ايتادى، ال سىزدەر سول تۋرالى اڭگىمەلەسكەنىمىزدى دالەلدەڭىزدەر. فيلولوگيالىق ساراپتاما بويىنشا، ول كەزدە ەشقانداي بۇيرىق تۋرالى اڭگىمە بولماعانى دالەلدەندى»، - دەيدى دارىگەر.
ءسوز سوڭىندا ايىپتالۋشى ءىستى باس پروكۋراتۋرا قايتا قاراستىرعانىن قالايتىنىن جانە سوتتان ءادىل شەشىم شىعارۋدى سۇرادى.
«مەن ەلباسى، توقايەۆ، باس پروكۋراتۋرادان پروتسەسسۋالدىق پروكۋرور مەنەن ءبىر دە ءبىر رەت جاۋاپ الماعانىن جانە ماعان 20 جىل سۇرايتىنىن الدىن الا بىلگەنىن ەسكەرۋىن سۇرايمىن. ءالى كۇنگە دەيىن ايىپتاۋ اكتىن وقىپ، نە ءۇشىن كىنالى ەكەنىمدى تۇسىنەيمىن. ءجاميلا دا، اسقار دا، مەن دە ونى ىستەگەن جوقپىز. مەن پرەزيدەنتكە، حالىققا ەشقانداي زاڭ بۇزباعانىمدى، ادال جۇمىس ىستەگەنىمدى جانە مۇمكىندىك بەرسە ءالى دە ىستەيتىنىمدى ايتقىم كەلەدى»، - دەدى نىسانبايەۆ.
ەسكە سالايىق، قايعىلى وقيعا 2019 -جىلدىڭ 29-قىركۇيەگىندە بولدى. سول كۇنى اتىراۋدىڭ پەريناتالدىق ورتالىعىندا دۇنيەگە كەلگەن ءسابي ءومىر بەلگىلەرىن كورسەتپەگەندىكتەن ونى ءولى تۋعان رەتىندە جازىپ جىبەرگەن. ءبىراق ءسابيدى توڭازىتقىش كامەراسىنا اپارعان كەزدە ونىڭ اياقتارى قوزعالعان. تەرگەۋ بولجامى بويىنشا، دارىگەرلەر قۇجاتتا قاتەلىك جىبەرمەۋ ءۇشىن بالانى توڭازىتقىش كامەراسىندا قالدىرىپ كەتكەن.