6 -جەلتوقسان كۇنگى مالىمەتتەرگە سايكەس، قازىرگى ۋاقىتتا كوروناۆيرۋس ينفەكتسياسىنان 14014 ادام ەم قابىلداۋدى جالعاستىرۋدا. ولاردىڭ اراسىندا 1010 بالا بار. ستاتسيونارلاردا 3575 ناۋقاس جاتىر. 10439 ادام امبۋلاتوريالىق جاعدايدا ەمدەلۋدە.
«جالپى ناۋقاستاردىڭ اراسىندا 230 ادامنىڭ جاعدايى اۋىر. سونىڭ ىشىندە 37 ناۋقاستىڭ جاعدايى اسا اۋىر دەپ باعالانۋدا. 30 ناۋقاس وكپەنى جاساندى جەلدەتۋ اپپاراتىنا قوسىلعان»، - دەلىنگەن ق ر دەنساۋلىق ساقتاۋ مينيسترلىگىنىڭ اقپاراتىندا.
ايتا كەتەيىك، 5 -جەلتوقسان كۇنى كوروناۆيرۋستان ەم قابىلداپ جاتقان بالالاردىڭ سانى 979 بولاتىن. وتكەن ءبىر تاۋلىكتە قاۋىپتى ىندەت 773 ادامنان تىركەلدى. جازىلىپ شىقتى 759 ناۋقاس. كوروناۆيرۋستىق پنيەۆمونيا 193 ادامنان انىقتالدى.