اۆتوكولىكتىڭ الدىڭعى اينەگىندەگى RFID- جاپسىرماسى جاپسىرىلادى. ياعني، ونداعى سايكەستەندىرۋ كودى انىقتالعاننان كەيىن، جۇيە كولىك تۋرالى اقپاراتتى الىپ، اقىلى ۋچاسكەلەردەگى تولەم قابىلداۋ پۋنكتتەرىنەن كەدەرگىسىز وتكىزەدى. بۇل ءنومىردى دۇرىس انىقتاۋعا، ءجۇرىپ وتكەن جول بويىنشا قاراجاتتى دۇرىس ەسەپتەۋگە ارنالعان شارالاردىڭ ءبىرى.
«RFID بەلگىلەرى تولەم قابىلداۋ پۋنكتىندە ورناتىلادى. بەلگىنى كولىككە ورناتۋ جانە جۇيەدە تىركەۋ ءۇشىن 5 مينۋتتاي ۋاقىت قاجەت. بەلگىنى الۋ جانە ورناتۋ ءۇشىن تولەماقى الىنبايدى»، - دەلىنگەن حابارلامادا.
قازىرگى تاڭدا اتالمىش بەلگىلەر نۇر- سۇلتان- شۋچينسك، نۇر- سۇلتان- تەمىرتاۋ جانە الماتى- قاپشاعاي ۋچاسكەلەرىندەگى تولەم قابىلداۋ پۋنكتتەرىندە ورناتىلۋدا. تاياۋ ارادا الماتى- قورعاس ۋچاسكەسىندە دە ەنگىزۋ جوسپارلانعان. جاڭا بەلگىلەر ەنگىزىلگەنىمەن، جەكە شوتتى تولىقتىرۋ ءادىسى وزگەرمەيدى. جەكە شوت مەملەكەتتىك تىركەۋ ءنومىرى بويىنشا تولىقتىرىلادى.