29-قاراشا كۇنى الەۋمەتتىك جەلىلەردە تاراعان بەينەتاسپادا ەكى جىگىتتىڭ بىرنەشە قوراپ ءدارىنى اياعىمەن تاپتاپ، جارامسىز ەتىپ ەزىپ جاتقانى كورسەتىلگەن. بەينەتۇسىرىلىم اۆتورى جانە شامامەن الگى تاپتالعان ءدارىنىڭ يەسى بەلگىسىز ەر ادامدى دا تاسپاعا تۇسىرگەن. اتالعان بەينەتاسپاداعى دەرەك بويىنشا پوليتسيا قىزمەتكەرلەرى تەكسەرۋ جۇرگىزدى. اتىراۋ قالاسىنىڭ ەكى تۇرعىنى ۆوكزال ماڭى-5-ىقشاماۋدانىندا ەر ازاماتتان 20 دانا پسيحوتروپتىق ءدارىنى تارتىپ الىپ، اياعىمەن تاپتاپ، بولعان جايدى بەينەتاسپاعا تۇسىرگەن جانە ونى الەۋمەتتىك جەلىلەردە تاراتقان.
سونداي- اق، پوليتسيا قىزمەتكەرلەرى الگى ادامنىڭ 20 دانا پسيحوتروپتى ءدارىنى ايەلىنەن العانىن، ال ايەلگە تانىسى - 1981-جىلى تۋعان كەلىنشەك ساتۋعا بەرگەنىن انىقتادى. بۇل ازاماتشانىڭ پاتەرىن تەكسەرۋ بارىسىندا 1 دانا پسيحوتروپتى ءدارى تابىلىپ، الىندى. ەكى ازاماتشاعا قاتىستى جيناقتالعان قۇجاتتار مەديتسينالىق جانە فارماتسيەۆتيكالىق باقىلاۋ كوميتەتىنىڭ اتىراۋ وبلىسى بويىنشا دەپارتامەنتىنە جولداندى.