د د ۇ قانداي جاعدايدا ماسكا تاعۋ كەرەگىن ءتۇسىندىردى

الماتى. قازاقپارات - دۇنيەجۇزىلىك دەنساۋلىق ساقتاۋ ۇيىمى ماسكا تاعۋعا قاتىستى ۇسىنىستارىن جاڭارتتى.

ۇيىم سپورتپەن بەلسەندى اينالىسقان كەزدە ماسكا تاقپاۋعا كەڭەس بەرىپ، اۋا كلاپاندارى بار ماسكانى دا قولدانباۋدى ۇسىندى، - دەپ حابارلايدى ريا نوۆوستي.

د د ۇ-نىڭ ءتورتىنشى رەت جاڭارتىلعان ۇسىنىسىنا سايكەس، سپورتپەن اينالىسىپ جاتقان كەزدە ماسكا تاعۋدىڭ قاجەتى جوق. سونداي-اق، سپورتپەن اينالىسقان جاعدايدا اۋا كلاپانى بار ماسكا تاعۋعا بولمايدى، سەبەبى ول دۇرىس دەم الۋعا مۇمكىندىك بەرمەيدى. ەڭ ءتيىمدىسى سپورتپەن اينالىسقان كەزدە 1 مەتر اراقاشىقتىقتى ساقتاۋ.

كلاپاندارى بار رەسپيراتور ماسكانى جالپى قولدانباعان ءجون، سەبەبى ولار اۋانى سۇزگىدەن وتكىزبەيدى. ەڭ دۇرىسى - دەم الۋعا مۇمكىندىك بەرەتىن ماتادان جاسالعان ءۇش قاباتتى ماسكالار.

د د ۇ پلاستيك ەكرانداردى قولدانباعان دۇرىس ەكەنىن ايتادى. سەبەبى ول تەك كوزدى قورعايدى، ال جوتەلگەندە نەمەسە تۇشكىرگەن كەزدە بولىنەتىن اۋا تامشىلارىنىنان قورعامايدى. ءبىراق ونى مەديتسينالىق نەمەسە ماتا ماسكانى تاعا المايتىن جاعدايدا قولدانۋعا بولادى.

سونىمەن قاتار، ۇيىم ماسكانى 1 مەتر اراقاشىقتىق ساقتاۋ مۇمكىن ەمەس جابىق نىسانداردا تاعۋدى ۇسىندى. ماسكانى اۋرۋحانا جانە باسقا دا ەمدەۋ نىساندارىنا بارعان كەزدە تاعۋ مىندەتتى. ەگەر عيمارات ناشار جەلدەتىلسە دە ماسكا تاعۋ كەرەك.

ودان بولەك، ددۇ وكىلدەرى ۇيگە قوناق شاقىرىپ، اراقاشىقتىق ساقتاۋ مۇمكىن بولماعان جاعدايدا دا ماسكا تاعۋ قاجەت ەكەنىن ەسكەرتتى.