اۋىل شارۋاشىلىعى سالاسىنىڭ ماماندارى باس قوسقان شارادا وڭىردەگى جەكە قوسالقى شارۋاشىلىقتار مەن شارۋا قوجالىقتارىن دامىتۋ ماسەلەلەرى سارالاندى. باسقوسۋعا جامبىل وبلىسى اكىمىنىڭ ورىنباسارى بەرىك نىعماشيەۆ «اۋىل» حالىقتىق- دەموكراتيالىق پاتريوتتىق پارتياسى جامبىل وبلىسى بويىنشا وڭىرلىك فيليالىنىڭ ءتوراعاسى ەربولات ساۋرىقوۆ، اۋىل شارۋاشىلىعى باسقارماسىنىڭ باسشىسى قايرات امانوۆ جانە ءبىرقاتار كووپەراتيۆ پەن شارۋا قوجالىقتارىنىڭ جەتەكشىلەرى قاتىستى. وبلىستاعى اگرووندىرىس كەشەنىنىڭ دامۋى مەن تۇرعىنداردىڭ تۇرمىستىق تابىسىن ارتتىرۋ پيلوتتىق جوباسىنىڭ جۇزەگە اسىرىلۋى تۋرالى بايانداما جاساعان قايرات امانوۆ اتالعان جوبانىڭ 5 باعىتى بويىنشا 8,4 ميلليارد تەڭگە نەسيە قاراجاتى يگەرىلىپ، ونىڭ ىشىندە سەنىمدى اگەنت بولىپ تانىلعان «تاراز» ا ك ك» ا ق- ى ارقىلى رەسپۋبليكالىق بيۋدجەتتەن 7,2 ميلليارد تەڭگە نەسيە قاراجاتى 2,5 پايىزبەن 2489 ءوتىنىم بويىنشا قارجىلاندىرىلعانىن جەتكىزدى. سونىڭ ناتيجەسىندە وبلىستا جۇمىسسىزدار سانى 48 پايىزعا ازايىپ، جاڭادان 589 جۇمىس ورنى اشىلعان. اتاۋلى الەۋمەتتىك كومەك الاتىندار قاتارى دا كەمي تۇسكەن.
باسقارما باسشىسىنىڭ ايتۋىنشا، وڭىردە ىسكە اسىرىلىپ جاتقان «جامبىل وبلىسى تۇرعىندارىنىڭ تۇرمىستىق تابىسىن ارتتىرۋ» پيلوتتىق جوباسىنىڭ تيىمدىلىگىن ەسكەرە وتىرىپ، ودان ءارى جالعاستىرۋ ءۇشىن ەلىمىزدىڭ اۋىل شارۋاشىلىعى مينيسترلىگىنە جوبانىڭ ەكىنشى كەزەڭىنە قوسىمشا 11,5 ميلليارد تەڭگە قاراجات بولۋگە سۇرانىس بەرىلگەن. جيىن بارىسىندا پارتيا وبلىستىق فيليالىنىڭ ءتوراعاسى، وبلىستىق ءماسليحات دەپۋتاتى ەربولات ساۋرىقوۆ ايماقتا بال اراسى شارۋاشىلىعىن دامىتۋ تۋرالى باستاما كوتەردى. قازىرگى كۇندە ءوڭىردىڭ ءاربىر ايماعىندا جەكەلەگەن ازاماتتار وسى شارۋشىلىقپەن اينالىسىپ جۇرگەنىمەن، ولارعا باسقارما تاراپىنان ناقتى قولداۋلار جوقتىعىن تىلگە تيەك ەتتى. ال، وبلىس اكىمىنىڭ ورىنباسارى بەرىك نىعماشيەۆ بۇل ماسەلە ەندى قولعا الىنىپ جاتقانىن جەتكىزدى.
«قازىرگى ۋاقىتتا 20 ومارتاشىنى وقىتىپ جاتىرمىز. جۋىردا عانا ولاردىڭ باسىن قوساتىن بال اراسى شارۋاشىلىعى قاۋىمداستىعى قۇرىلدى. ءتىپتى ءبىر ازامات وسى ماقساتتا جوبا قورعاپ، 5 ميلليون تەڭگە كولەمىندە گرانت جەڭىپ الدى» ، - دەدى بەرىك بولات ۇلى.
سونىمەن قاتار، شارۋا قوجالىقتارىنىڭ وكىلدەرى قانت قىزىلشاسىنىڭ ۇرىعىن شەت ەلدەن قىمبات باعامەن الۋعا ءماجبۇر بولىپ وتىرعانىن ايتتى. باسقوسۋدا مال شارۋاشىلىعىن جۇيەلى دامىتۋ تەتىكتەرىندەگى كەيبىر ماسەلەلەر دە قوزعالدى دەسەك، سولاردىڭ ءبىرى رەتىندە مالشىلاردىڭ مارتەبەسىن كوتەرۋ تۋرالى ۇسىنىس ايتىلعانىن ايرىقشا اتاۋعا بولادى. جيىندى قورىتىندىلاعان «اۋىل» ح د پ پ ءتوراعاسىنىڭ ورىنباسارى قايرات ايتۋعانوۆ ەل ەكونوميكاسىن كوتەرۋ ءۇشىن اۋىلدى، ەلدى مەكەندەردى دامىتۋدىڭ ماڭىزدىلىعىنا توقتالدى.
«اۋىلدى كوركەيتۋ ءۇشىن شارۋا قوجالىقتارىنا مەملەكەت تاراپىنان دۇرىس كوڭىل ءبولىنۋ قاجەت. سونىمەن قاتار، مامان دايارلاۋ ماسەلەسى دە شەشىمىن تاپپاي وتىرعانىن كورىپ وتىرمىز. وسىنى شەشۋ جولىندا جۇيەلى، كەشەندى جۇمىستار جۇرگىزىلۋى كەرەك» ، - دەدى ول.