بۇل تۋرالى ورتالىق كوممۋنيكاتسيالار قىزمەتىندە وتكەن ونلاين بريفينگتە قر دەنساۋلىق ساقتاۋ مينيسترلىگىنىڭ قوعامدىق دەنساۋلىق ساقتاۋ ۇلتتىق ورتالىعى جۇقپالى اۋرۋلاردىڭ الدىن- الۋ دەپارتامەنتىنىڭ ديرەكتورى جۇمابەك بەكەنوۆ ايتتى، دەپ حابارلايدى قازاقپارات ءتىلشىسى. «جاھاندىق ىنتىماقتاستىق. ورتاق جاۋاپكەرشىلىك» دەگەنگە مەديتسينا سالاسىنىڭ قاتىسىن ايتاتىن بولساق: ا ي ۆ نەمەسە ج ي ت س- پەن اۋىرعان ادامداردىڭ بەلسەندىلىگىن ارتتىرۋ، ولاردىڭ قۇقىقتارىن قورعاۋ، ولاردى كەمسىتۋگە جول بەرمەۋ جانە ولاردى اقپاراتپەن تولىق قامتاماسىز ەتۋگە جۇمىس ىستەۋىمىز كەرەك. تۇپكىلىكتى جاقسى ناتيجەگە جەتۋ ءۇشىن بارلىق ادامداردى قامتاماسىز ەتۋىمىز كەرەك. مۇنىڭ دالەلى - ەلىمىزدە ءجۇرىپ جاتقان كوروناۆيۋرس ينفەكتسياسى. ەشبىر ەلدە بۇل اۋرۋدى جەكە- دارا جەڭۋ مۇمكىن ەمەس، سەبەبى ءبارى ءبىر- بىرىمەن بايلانىستى» ، - دەيدى ق ر د س م ق د س ۇ و جۇقپالى اۋرۋلاردىڭ الدىن- الۋ دەپارتامەنتىنىڭ ديرەكتورى جۇمابەك بەكەنوۆ.
ونىڭ ايتۋىنشا، ەندىگى مىندەت - دۇنيەجۇزى بويىنشا اۋرۋدىڭ الدىن الۋ جۇمىستارىن ءبىر جۇيە بويىنشا جۇرگىزۋ.
«بۇل اۋرۋدىڭ ەمى جوق، سوندىقتان اۋرۋدىڭ الدىن الۋ جۇمىستارى ءبىرىنشى كەزەكتە تۇرادى. ەلىمىزدەگى مەديتسينا قىزمەتكەرلەرى جىل سايىن حالىققا قىزمەت كورسەتۋ ساپاسىن ارتىرۋ جولىندا جۇمىس ىستەپ جاتىر جاتىر» ، - دەيدى ول.