الماتىدا جول قوزعالىسىن رەتتەگەن ەر ادامنىڭ ۆيدەوسى جاريالاندى
14:26, 27 - قاراشا 2020
نۇر -سۇلتان. قازاقپارات - الماتىدا باعدارشام ىستەمەي تۇرعان كەزدە جول قوزعالىسىن رەتتەگەن ەر ادامنىڭ ۆيدەوسى جاريالاندى.
ۆيدەو الەۋمەتتىك جەلىلەردە تاراپ جاتىر. روليك اۆتورىنىڭ ايتۋىنشا، بۇل رايىمبەك باتىر داڭعىلىندا تۇسىرىلگەن.
قالالىق پوليتسيا دەپارتامەنتىنىڭ وكىلدەرى الماتىلىقتىڭ بۇل ارەكەتى قاۋىپتى ەكەنىن ايتادى.
«پوليتسيا بۇل ادامعا جول قوزعالىسىنا نەمقۇرايلى قاراماعانى ءۇشىن العىس بىلدىرەدى. ءبىراق، بۇل بىرىنشىدەن، ونىڭ ءومىرى مەن دەنساۋلىعى ءۇشىن، ەكىنشىدەن، جۇرگىزۋشىلەر ءۇشىن قاۋىپتى ەكەنىن اتاپ وتكەن ءجون. (...) مۇنداي جاعدايدا 102 نومىرىنە قوڭىراۋ شالىپ، باعدارشامنىڭ ىستەمەي تۇرعانىن حابارلاۋ كەرەك ەدى. بىرنەشە مينۋت ىشىندە جول- پاترۋلدىك پوليتسيا ەكيپاجى كەلەر ەدى»، - دەدى الماتى پ د رەسمي وكىلى سالتانات ازىربەك.