باۋىرجان يسلامحان كلۋبسىز قالدى
22:43, 19 - قاراشا 2020
نۇر- سۇلتان. قازاقپارات - فۋتبولدان قازاقستان قۇراماسىنىڭ كاپيتانى باۋىرجان يسلامحان كومانداسىز قالدى.
بۇل تۋرالى UAE Sports news باسىلىمى جازدى، دەپ حابارلايدى قازاقپارات ءتىلشىسى. بۇعان دەيىن حابارلاعانىمىزداي، قازاقستاننىڭ فۋتبول فەدەراتسياسى تاراتقان مالىمەتكە سايكەس ۇلتتىق قۇرامانىڭ بىرنەشە نەگىزگى ويىنشىسى الداعى ماتچتارعا قاتىسا المايدى. ولاردىڭ قاتارىندا باۋىرجان يسلامحان دا بار.
ازيا چەمپيوندار ليگاسىنىڭ ويىنىنان كەيىن فۋتبولشىنىڭ تاپسىرعان دوپينگ سىناعىنان تىيىم سالىنعان پرەپارات تابىلعان. ول ۋاقىتشا رەسمي ويىندارعا قاتىسپايدى.
« ب ا ءا «ءال- اين» كلۋبى يسلامحانمەن دوپينگ داۋىنان كەيىن كەلىسىمشارتىن ءۇزدى. كەلىسىمشارت 2023 -جىلدىڭ شىلدەسىنە دەيىن ەسەپتەلگەن»، - دەلىنگەن حابارلامادا.