تولەمدى جۇمىسپەن قامتۋ جانە الەۋمەتتىك قورعاۋ باسقارماسى جۇرگىزەدى. الەۋمەتتىك تولەم بەرىلەدى: پەشپەن جىلىتىلاتىن ءوز اتىنداعى ۇيدە نەمەسە جالدامالى ۇيدە تۇراتىن جاسى بويىنشا زەينەتكەرلەرگە، مۇگەدەكتەرگە، مۇگەدەك بالالارعا جانە كوپبالالى وتباسىلارعا. بۇل رەتتە، ولاردىڭ تۇرعىن ۇيدە تىركەۋدە تۇرۋى مىندەتتى.
سونداي-اق جان باسىنا شاققانداعى تابىس 4 ەسەلەنگەن ەڭ تومەنگى كۇنكورىس دەڭگەيىنەن (شامامەن 160 مىڭ تەڭگە) اسپاۋى قاجەت. وتەماقى ءبىر جىلىتۋ ماۋسىمىندا ءبىر رەت قانا بەرىلەدى. ونىڭ كولەمى - 16-ايلىق ەسەپتىك كورسەتكىش نەمەسە 44448 تەڭگە.
ايتا كەتەيىك، كومىر ساتىپ الۋعا وتەماقى الۋعا قۇقىلى بىرنەشە ادام بىر جەكەمەنشىك ۇيدە تۇرعان جاعدايدا، وتەماقى ولاردىڭ بىرەۋىنە عانا بەرىلەدى. كارانتين شارالارىن ساقتاۋ ماقساتىندا ءوتىنىش ەلەكتروندى ۇكىمەت (egov.kz) پورتالىندا 15-قازاننان 30-ساۋىرگە دەيىن قابىلدانادى. وتىنىشپەن بىرگە كەلەسى قۇجاتتار قوسا ۇسىنىلۋى قاجەت:
1) جەكە باسىن كۋالاندىراتىن قۇجاتتىڭ كوشىرمەسى؛
2) ادامنىڭ (وتباسىنىڭ) قۇرامى تۋرالى مالىمەتتەر؛
3) جيىنتىق تابىسىن ەسەپتەۋ قاعيداسىنا سايكەس ادامنىڭ (وتباسى مۇشەلەرىنىڭ) تابىسى تۋرالى مالىمەتتەر؛
4) زەينەتكەرلىك كۋالىگىنىڭ كوشىرمەسى - زەينەتكەرلەر ءۇشىن، مۇگەدەكتىگى جونىندەگى انىقتاماسىنىڭ كوشىرمەسى - مۇگەدەكتەر ءۇشىن؛
5) قازاقستان رەسپۋبليكاسى ادىلەت مينيسترلىگىنىڭ اۋماقتىق ورگانى بەرگەن جىلجىمايتىن مۇلىككە تىركەلگەن قۇقىعىنىڭ بولماۋى (بولۋى) جونىندەگى انىقتاما.
6) بانكتىك شوت تۋرالى مالىمەت. سۇراقتار بويىنشا كەلەسى تۇلعالارعا حابارلاسۋعا بولادى: - فيلارەتوۆا يننا يۋريەۆنا الماتى اۋدانى بويىنشا الەۋمەتتىك تولەمدەر تاعايىنداۋ ءبولىمىنىڭ باسشىسى - 87021580853؛ - جانۇزاقوۆا قۇرالاي سەرىك قىزى بايقوڭىر اۋدانى بويىنشا الەۋمەتتىك تولەمدەر تاعايىنداۋ ءبولىمىنىڭ باسشىسى - 87054685001؛
- جۇندىبايەۆا نۇرگۇل قاسىمجان قىزى ەسىل اۋدانى بويىنشا الەۋمەتتىك تولەمدەر تاعايىنداۋ ءبولىمىنىڭ باسشىسى - 87024339336؛
- ستانبايەۆا سالتانات دۇيسەن قىزى سارىارقا اۋدانى بويىنشا الەۋمەتتىك تولەمدەر تاعايىنداۋ ءبولىمىنىڭ باسشىسى - 87029610968.