ۇلتتىق بانكتىڭ باسپا ءسوز قىزمەتىنىڭ مالىمەتىنشە، بيىلعى جىلدىڭ 2-13-قاراشاسى ارالىعىندا ق ر- داعى حالىقارالىق ۆاليۋتا قورىنىڭ ميسسيا باسشىسى نيكوليا بلانشەنىڭ توراعالىعىمەن ح ۆ ق قىزمەتكەرلەرىنىڭ مەملەكەتتىك ورگانداردىڭ، قارجى نارىعى مەن كۆازيمەملەكەتتىك سەكتور ۇيىمدارىنىڭ وكىلدەرىمەن ونلاين كەزدەسۋلەر ءوتتى.
ماقسات - قازاقستاننىڭ قازىرگى قارجىلىق- ەكونوميكالىق دامۋ جولىنا، داعدارىسقا قارسى قولداۋ شارالارىنا، اقشا- كرەديت جانە بيۋدجەت- سالىق ساياساتىنا شولۋ جاساۋ. حالىقارالىق ۆاليۋتا قورى وكىلدەرىنىڭ پىكىرىنشە، ۇلتتىق بانك پەن ۇكىمەتتىڭ COVID-19 پاندەمياسى مەن سىرتقى جاعدايدىڭ كۇرت ناشارلاۋىنا قارسى قابىلداعان شارالارى دەر كەزىندە قولعا الىنعان شەشىمدەر بولدى. حالىقارالىق ۇيىم تاراپىنان ۇلتتىق بانكتىڭ ينفلياتسيالىق تارگەتتەۋ ساياساتىنداعى بەيىلدىلىگى جوعارى باعالاندى. ۇلتتىق بانك باسشىلىعى مەن ونىڭ قۇرامىنداعى نەگىزگى دەپارتامەنت جەتەكشىلەرى ح ۆ ق وكىلدەرىمەن بىرگە پاندەميانىڭ سالدارىن تالقىلادى.
سونداي-اق مۇناي نارىعىنداعى قۇبىلمالى باعانىڭ ەل ەكونوميكاسىنا تيگىزىپ جاتقان اسەرىنە توقتالىپ، وعان قارسى جۇرگىزىلىپ جاتقان قارجى-كرەديتتىك جانە ماكروەكونوميكالىق ساياسات پەن ايىرباستاۋ باعامىنىڭ ساياساتىنا قاتىستى شارالاردى ءسوز ەتتى.
كەزدەسۋ كەزىندە ەكونوميكالىق بەلسەندىلىكتى قايتا قالپىنا كەلتىرۋ بويىنشا قولعا الىنعان شارالار دا ايتىلىپ، حالىقتى جانە شاعىن جانە ورتا بيزنەستى قولداۋ، قارجىلىق تۇراقتىلىقتى قامتاماسىز ەتۋ ماسەلەلەرى دە ءسوز بولدى.
«ح ۆ ق مەملەكەتتىڭ پاندەميانىڭ سالدارىنا قارسى قابىلداعان شارالارىنا جاقسى باعا بەرە وتىرىپ، وسىنداي داعدارىس كەزەڭىندە نىق ءارى ينكليۋزيۆتى وسىمگە بەيىلدىلىگىن قولدايدى. ح ۆ ق ميسسياسىنىڭ كەلەسى وتىرىسى 2021 -جىلدىڭ كوكتەمىنە بەلگىلەندى»، - دەلىنگەن ۇلتتىق بانك اقپاراتىندا.
اۆتور: الما مۇقانوۆا