BioVYZR دەپ اتالاتىن شلەمنىڭ باعاسى - 379 دوللار. ول باس پەن دەنەنىڭ جوعارعى بولىگىن تولىعىمەن جاۋىپ تۇرادى. شلەمنىڭ ارتقى پانەلىندە باتارەيامەن جۇمىس ىستەيتىن جەلدەتكىش جانە اۋا سۇزگىسى بار. باتارەيانىڭ تولىق قۋاتى 12 ساعاتقا جەتەدى.
بۇل شلەمدى ويلاپ تاپقان ەزين ال-كايسي ونى 2 ايدان بەرى قولدانىپ كەلەدى. 32 جاستاعى ونەرتاپقىش كوپشىلىك ونىڭ ونەرتابىسىنا قىزىعۋشىلىق بىلدىرەتىنىن ايتتى.
عالىمدار بۇل قۇرىلعىنىڭ تيىمدىلىگىن راستاۋعا اسىعار ەمەس، ويتكەنى ول ءالى جەتكىلىكتى زەرتتەلمەگەن.
بۇعان دەيىن امەريكالىق ونەرتاپقىش كريس ەلينگەر كوروناۆيرۋستان قورعايتىن وسىعان ۇقساس قۇرىلعىنى پاتەنتتەگەن بولاتىن. ول جاساعان NE-1 قۇرىلعىسى موتوتسيكل شلەمىنە ۇقساس. پايدالانۋشى اينالاسىنداعى ادامدارمەن سويلەسە الاتىنداي شلەمدە اۋانى تازارتۋ جۇيەسىنەن باسقا ىشكى جانە سىرتقى ميكروفوندار مەن ديناميكتەر بار. سونداي-اق، قۇرىلعى تەلەفون ارقىلى قوڭىراۋ شالۋ جانە مۋزىكا تىڭداۋ ءۇشىن Bluetooth-گە قوسىلادى.
massaget.kz