ءبىرىنشى كەزەڭدە ەكى قۇراما دا ءجيى شابۋىلعا شىقتى. ناتيجەسىندە 38 مينۋتتا قازاقستاندىق شابۋىلشى ابات ايىمبەتوۆ ەسەپ اشتى. ال 40 مينۋتتا وعان ليتۆالىق مودەستاس ۆوروبيەۆاس ءبىر گولمەن جاۋاپ قايىردى. ەسەپ 1:1. ءبىرىنشى كەزەڭ وسى ەسەپپەن اياقتالدى.
بۇگىن قازاقستان قۇراماسى جەڭىسكە جەتكەن جاعدايدا س ليگاسىنداعى ورنىن ساقتاپ قالادى. ءتورتىنشى ورىن العان قۇراما الداعى ۋاقىتتا D ليگاسىنا تومەندەيدى. ەستەرىڭىزگە سالا كەتەلىك، ەكى قۇراما س ليگاسى ءتورتىنشى توبىندا سىنعا تۇسەدى. ولاردان وزگە البانيا جانە بەلارۋس قۇرامالارى بار. سوڭعى ەكى قۇراما دا ءدال قازىر ويىن وتكىزىپ جاتىر. ءبىرىنشى كەزەڭنەن كەيىن البانيالىق فۋتبولشىلار 3:1 ەسەبىمەن جەڭىپ جاتىر. بۇدان بۇرىن قازاقستان قۇراماسى البانيادان 1:3 ەسەبىمەن جەڭىلىپ قالدى.